Пра смерць падчас замаху на Дональда Трампа аднаго чалавека паведаміў Майкл Валентэ, карэспандэнт тэлеканала WTAE з Пітсбурга, са спасылкай на акруговага пракурора акругі Батлер.
Дэталяў адносна загінулага падчас замаху чалавека пакуль не прыводзіцца. Ёсць версія, што гэта быў адзін з прыхільнікаў Дональда Трампа, які падчас стрэлу знаходзіўся ззаду яго.
У той жа час пракурор акругі Батлер сцвярджае, што загінулых можа быць і двое. Магчыма, адзін з іх — гэта сам стралок, пра «нейтралізацыю» якога паведамілі амерыканскія СМІ.
Яшчэ адзін чалавек, магчыма, атрымаў цяжкое раненне.
Страляніна падчас мітынгу Дональда Трампа адбылася ў горадзе Батлер штата Пенсільванія. Былы прэзідэнт ЗША, як выглядае, абышоўся не вельмі цяжкімі пашкоджаннямі.
Прэзідэнта ЗША Джо Байдэна праінфармавалі пра тое, што здарылася, паведаміў Белы дом. Брыфінг правялі кіраўнікі сакрэтнай службы і Міністэрства ўнутранай бяспекі, а таксама дарадца Байдэна па пытаннях унутранай бяспекі. Афіцыйных заяў з гэтай нагоды прэзідэнт ЗША пакуль не рабіў.
Лідар дэмакратычнай большасці ў Сенаце ЗША Чарльз Шумер заявіў, што ў жаху ад таго, што адбылося. Ён выказаў радасць, што Трамп знаходзіцца ў бяспецы і падкрэсліў, што гвалту — не месца ў палітыцы ЗША.
Рэспубліканскі спікер Палаты прадстаўнікоў Кангрэса ЗША Майк Джонсан напісаў у сацсетцы X, што моліцца за Трампа.
Падобныя па сэнсе заявы апублікавалі таксама лідар дэмакратычнай меншасці ў Палаце прадстаўнікоў Хакім Джэфрыс і рэспубліканскай меншасці Сената Мітч Макконэл.
Таксама аператыўна адрэагаваў на падзею мільярдэр Ілан Маск:
«Я цалкам падтрымліваю прэзідэнта Трампа і спадзяюся на яго хуткае аднаўленне».
Цяпер чытаюць
«Я наведаў самую ізаляваную краіну Еўропы». Амерыканскі блогер расказаў, як прыязджаў у Беларусь у 2020-м і 2024-м1
Каментары