Забарона тычыцца ўезду праз пункты пропуску на граніцы з Беларуссю і Расіяй.
Падатковая служба Латвіі паведаміла, што з 16 ліпеня забаронены праезд асобам з зарэгістраванымі ў Беларусі транспартнымі сродкамі — легкавымі аўтамабілямі.
Забарона распаўсюджваецца на ўезд у ЕС праз латвійска-беларускія і латвійска-расійскія памежныя пункты.
Падатковая служба Латвіі паведамляе, што ў мэтах зніжэння рызык абыходу санкцый Еўрасаюз, зацвердзіўшы 8-ы пакет санкцый супраць Беларусі, у значнай ступені скарэктаваў санкцыі, уведзеныя ў дачыненні да Беларусі, з санкцыямі, уведзенымі ў дачыненні да Расіі.
Цяпер забаронены імпарт тавараў з Беларусі, якія дазваляюць Беларусі дыверсіфікаваць свае крыніцы даходу і ўдзельнічаць у расійскай агрэсіі супраць Украіны, калі гэтыя тавары паходзяць з Беларусі або калі яны экспартуюцца з Беларусі. У спіс такіх тавараў таксама ўваходзяць легкавыя аўтамабілі.
Забарона на ўезд не будзе распаўсюджвацца на транспартныя сродкі, прызначаныя для выкарыстання ў руху дыпламатычных і консульскіх прадстаўніцтваў.
Іншыя асобы, якія едуць на транспартным сродку, зарэгістраваным у Беларусі, не змогуць уехаць на ім у ЕС, перасякаючы дзяржаўную мяжу Латвійскай Рэспублікі. Чалавек на аўто, зарэгістраваным у Беларусі, павінен будзе вярнуцца з памежнага пункта ў тую краіну, з якой ён планаваў уехаць у Латвію.
У выпадку адмовы выконваць прадпісанні мытнага органа, у тым ліку пры вяртанні ў Беларусь ці Расію, можа быць прынята рашэнне аб канфіскацыі транспартнага сродку.
Асобам дазволяць вяртацца з ЕС у Беларусь на легкавых транспартных сродках, зарэгістраваных у Беларусі, калі яны не задэклараваны як тавар і выкарыстоўваюцца толькі як транспартны сродак.
«У той жа час Мінюст сумесна з МЗС Латвіі будзе шукаць вырашэння сытуацый, калі беларускія апазыцыянэры просяць прытулку ў Латвіі», — дадае delfi.lv са спасылкаю на Мінюст.
Польская мытня патлумачыла, чаму беларусам не дазваляюць вывозіць тавары
Адчуюць на сабе не толькі чаўнакі і перагоншчыкі. Як новыя абмежаванні ад ЕС адаб'юцца на простых беларусах
Не толькі машыны з аб'ёмам рухавіка, большым за 1,9 літра. Якія яшчэ аўто нельга будзе прыганяць у Беларусь
Беларускія бізнэсмены спешна прадаюць долі ў сваіх польскіх транспартных кампаніях. Што адбываецца?
Чаму Польшча забараніла вываз тавараў фізічным асобам і якія тавары цяпер нельга правезці?
Цяпер чытаюць
У 55 гадоў памёр стваральнік брэнду Serge Сяргей Атрошчанка9
Каментары
Падазраю, ніякай заявы асуджэння, ці нават заявы пра патрэбу "аддзяляць рэжым ад грамадства", з боку офісаў-кабінетаў не будзе.
Дзякуй, шчыры дзякуй з нашага канцлагера.
І як вішанка на торце - выключэнне для лукашыстаў: "Забарона на ўезд не будзе распаўсюджвацца на транспартныя сродкі, прызначаныя для выкарыстання ў руху дыпламатычных і консульскіх прадстаўніцтваў."
Крывадушныя мярзотнікі!