Hramadstva33

Łatvija z 16 lipienia zabaraniaje ŭjezd mašyn ź biełaruskimi numarami 

Zabarona tyčycca ŭjezdu praz punkty propusku na hranicy ź Biełaruśsiu i Rasijaj. 

Padatkovaja słužba Łatvii paviedamiła, što z 16 lipienia zabaronieny prajezd asobam z zarehistravanymi ŭ Biełarusi transpartnymi srodkami — lehkavymi aŭtamabilami.

Zabarona raspaŭsiudžvajecca na ŭjezd u ES praz łatvijska-biełaruskija i łatvijska-rasijskija pamiežnyja punkty.

Padatkovaja słužba Łatvii paviedamlaje, što ŭ metach źnižeńnia ryzyk abychodu sankcyj Jeŭrasajuz, zaćvierdziŭšy 8-y pakiet sankcyj suprać Biełarusi, u značnaj stupieni skarektavaŭ sankcyi, uviedzienyja ŭ dačynieńni da Biełarusi, z sankcyjami, uviedzienymi ŭ dačynieńni da Rasii.

Ciapier zabaronieny impart tavaraŭ ź Biełarusi, jakija dazvalajuć Biełarusi dyviersifikavać svaje krynicy dachodu i ŭdzielničać u rasijskaj ahresii suprać Ukrainy, kali hetyja tavary pachodziać ź Biełarusi abo kali jany ekspartujucca ź Biełarusi. U śpis takich tavaraŭ taksama ŭvachodziać lehkavyja aŭtamabili.

Zabarona na ŭjezd nie budzie raspaŭsiudžvacca na transpartnyja srodki, pryznačanyja dla vykarystańnia ŭ ruchu dypłamatyčnych i konsulskich pradstaŭnictvaŭ.

Inšyja asoby, jakija jeduć na transpartnym srodku, zarehistravanym u Biełarusi, nie zmohuć ujechać na im u ES, pierasiakajučy dziaržaŭnuju miažu Łatvijskaj Respubliki. Čałaviek na aŭto, zarehistravanym u Biełarusi, pavinien budzie viarnucca z pamiežnaha punkta ŭ tuju krainu, ź jakoj jon płanavaŭ ujechać u Łatviju.

U vypadku admovy vykonvać pradpisańni mytnaha orhana, u tym liku pry viartańni ŭ Biełaruś ci Rasiju, moža być pryniata rašeńnie ab kanfiskacyi transpartnaha srodku.

Asobam dazvolać viartacca ź ES u Biełaruś na lehkavych transpartnych srodkach, zarehistravanych u Biełarusi, kali jany nie zadekłaravany jak tavar i vykarystoŭvajucca tolki jak transpartny srodak.

«U toj ža čas Miniust sumiesna z MZS Łatvii budzie šukać vyrašeńnia sytuacyj, kali biełaruskija apazycyjanery prosiać prytułku ŭ Łatvii», — dadaje delfi.lv sa spasyłkaju na Miniust. 

Kamientary3

  • Žoryk
    15.07.2024
    Dziakuj, Śvieta i ŭvieś ofis. "Vyraŭniali sankcyi".

    Padazraju, nijakaj zajavy asudžeńnia, ci navat zajavy pra patrebu "adździalać režym ad hramadstva", z boku ofisaŭ-kabinietaŭ nie budzie.

    Dziakuj, ščyry dziakuj z našaha kancłahiera.
  • Žo
    15.07.2024
    Žoryk, infantył, vaźmi sam i vykažy asudžeńnie, u čym prablema?
  • chtości
    15.07.2024
    Jaki panyły soram, ad "ekspartu" našych užyvanych aŭtamabilaŭ jany abaraniajucca! Rasiejskuju i kantralavanuju režymam saravinu čamuści ŭsio nie chočuć spynicca nabyvać, heta ciahnikami ŭsio honiać i honiać!
    I jak višanka na torcie - vyklučeńnie dla łukašystaŭ: "Zabarona na ŭjezd nie budzie raspaŭsiudžvacca na transpartnyja srodki, pryznačanyja dla vykarystańnia ŭ ruchu dypłamatyčnych i konsulskich pradstaŭnictvaŭ."
    Kryvadušnyja miarzotniki!
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija8

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija

Usie naviny →
Usie naviny

Zvalniajuć daradcu administracyi Trampa pa nacyjanalnaj biaśpiecy Majka Uołca8

Jakija karysnyja vykapni jość va Ukrainie?2

Ejsmanty na «Majbachu», Baskaŭ na «Bentli». Chakiejny siezon u Minsku zakryli z šykam-blaskam43

Kampanija A1 zapuściła svajo taksi. Dzie ciapier tańniej?2

Litva i Polšča zdahnali Izrail pa VUP na dušu nasielnictva12

U Danii aŭtamabil urezaŭsia ŭ natoŭp ludziej — paciarpieli minimum 11 čałaviek1

Napali i paranili ŭkrainskaha błohiera Siarhieja Ściarnienku34

Azaraŭ: Dumaju, Mielnikava pajechała adpačyvać na Kubu37

Reanimatołah Martaŭ raskazaŭ, jak vyratavaŭ žančynu z čatyrma skraznymi ranieńniami serca5

bolš čytanych navin
bolš łajkanych navin

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija8

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija

Hałoŭnaje
Usie naviny →

Zaŭvaha:

 

 

 

 

Zakryć Paviedamić