Конніца Вольга Сафронава, якая выступае за Польшчу, на Алімпіяду зноў не трапіла
Конніца Вольга Сафронава, якая пасля вымушанага ад'езду з Беларусі стала выступаць за Польшчу, прапусціць гульні ў Парыжы, піша «Люстэрка».
«Як вядома, у сярэдзіне чэрвеня я выканала кваліфікацыйныя патрабаванні для ўдзелу ў Алімпійскіх гульнях. Першапачаткова меркавалася, што ў Францыю адправяцца шэсць пар, якія адабраліся, а ўжо на месцы стануць вядомыя тры пары для выступаў. Але мне сказалі, што я не еду.
На самай справе гэта доўгая гісторыя, удавацца ў якую сёння няма жадання. Калі коратка, то патлумачылі трэнерскім рашэннем. Так, з коньмі можа здарыцца ўсялякае, ёсць рызыкі пры транспартоўцы, павінны быць і запасныя, але вось прынята такое рашэнне. Маўляў, акрамя правілаў існуе і трэнерская інтуіцыя.
Я вынесла ўрок з гэтай сітуацыі … Не факт, што спаборнічала б, але ж трапіла ў пашыраны склад і ўжо настроілася на паездку на Алімпіяду. Як бы там ні было, я збіраюся працягваць выступленні і прыкладу ўсе сілы, каб апынуцца на наступных гульнях», — расказала Сафронава «Люстэрку».
Гэта другая Алімпіяда, якую прапусціць спартсменка. Раней двухразовая чэмпіёнка Беларусі (2020, 2021), фіналістка Кубка свету — 2019 Вольга Сафронава заваявала ліцэнзію на АГ-2020 у Токіа, але яе не пусцілі на гульні, спаслаўшыся на заключэнне ветэрынарнай камісіі.
Неўзабаве беларуска, якая падпісала ліст за новыя выбары і супраць гвалту пасля жніўня 2020 года, паехала жыць у Польшчу. Каб пачаць спаборнічаць за гэтую краіну, Сафронавай прыйшлося адбываць двухгадовы каранцін. У 2023 годзе яна стала срэбнай медалісткай чэмпіянату Польшчы — гэта быў яе першы медаль пад сцягам новай краіны.
На цырымоніі адкрыцця Алімпійскіх гульняў дыктар пераблытаў дзве Карэі. Запахла міжнародным скандалам
Сацсеткі выбухнулі пасля спрэчнага эпізоду на адкрыцці Алімпійскіх гульняў
Заваяваны першы залаты медаль Алімпіяды
Яшчэ адзін з запамінальных момантаў адкрыцця Алімпіяды: выкананне геніяльнай Imagine на ахопленым агнём раялі ВІДЭА
Каментары