Трамп знайшоў вінаватага ў біржавым абвале — ім стала віцэ-прэзідэнт Камала Харыс
«Kamala-crash» («Крах Камалы») — так экс-прэзідэнт і кандыдат ад Рэспубліканскай партыі Дональд Трамп назваў рэзкае падзенне фондавага рынку, якое адбылося напярэдадні, піша Bild.
На думку Трампа, цэны на акцыі вядучых сусветных кампаній упалі, бо незадоўга да гэтага віцэ-прэзідэнт Камала Харыс была вылучана кандыдатам у прэзідэнты ад Дэмакратычнай партыі.
У панядзелак, 5 жніўня, японскі індэкс Nikkei упаў больш чым на 12%, за ім адбылося рэзкае падзенне на фондавых біржах іншых краін. У якасці прычыны эксперты называюць асцярогі наконт рэцэсіі ў ЗША. Зрэшты, сёння кошты на акцыі ў Японіі зноў практычна аднавіліся.
«Вядома, на рынку назіраецца маштабнае падзенне. Камала яшчэ горшая за Джо Байдэна. Рынкі ніколі не прымуць гэтую радыкальную левую вар'ятку. Наступны крок — Вялікая дэпрэсія 2024 года! З рынкамі нельга гуляцца», — напісаў Трамп у сваёй сацыяльнай сетцы Truth Social.
Сама Камала Харыс не стала адказваць на нападкі Дональда Трампа. Яна апублікавала ў X фатаграфію, на якой яна паказана на сустрэчы з прэзідэнтам Джо Байдэнам, прысвечанай блізкаўсходняму канфлікту.
Цяпер чытаюць
Фізік з Акадэміі навук пераехаў на працу ў Польшчу. Падчас візіту ў Беларусь яго арыштавалі за палітыку і кінулі ў калонію21
Каментары
Никакого сходства я не вижу. Вот совсем. Зачем оскорблять человека, который ничего плохого не сделал, поставлял Украине оружие, защищал Израиль, не допустил войны между Кореями? Зачем?