Трамп прапанаваў правесці яшчэ дзве тэледуэлі на іншых каналах. Ад адной з іх Харыс ужо адмовілася.
Кандыдаты ў прэзідэнты ЗША Камала Харыс і Дональд Трамп сустрэнуцца на тэледэбатах 10 верасня. Пра гэта паведаміў у чацвер, 8 жніўня, тэлеканал ABC, які правядзе дэбаты. «Віцэ-прэзідэнт Харыс і экс-прэзідэнт Трамп пацвердзілі, што будуць прысутнічаць», — гаворыцца ў паведамленні ў сацсетцы Х, піша Deutsche Welle.
Раней у чацвер на прэс-канферэнцыі ў сваім маёнтку Мар-а-Лага ў амерыканскім штаце Фларыда кандыдат ад рэспубліканцаў Трамп прапанаваў правесці ў верасні тры тэлевізійныя двубоі, якія павінны адбыцца 4, 10 і 25 верасня на каналах Fox News, ABC і NBC.
Са слоў Трампа, гэтыя даты ўжо ўзгодненыя з тэлекампаніямі, аднак камандзе віцэ-прэзідэнта Харыс яшчэ трэба будзе пацвердзіць свой удзел.
Тэлекампаніі Fox News і NBC не каментавалі яго словы. У сваю чаргу тэлекампанія ABC паведаміла ў ноч на пятніцу ў сацсетцы Х са спасылкай на афіцыйнага прадстаўніка каманды Харыс, што яна не будзе ўдзельнічаць у прапанаваных Трампам дэбатах 4 верасня.
Прэзідэнцкія выбары ў ЗША пройдуць 5 лістапада. Прэзідэнт Джо Байдэн 21 ліпеня адмовіўся ад удзелу ў перавыбарах. Кандыдатам ад Дэмпартыі будзе віцэ-прэзідэнт Камала Харыс.
Кандыдат у віцэ-прэзідэнты ЗША жорстка раскрытыкаваў Трампа
Трамп знайшоў вінаватага ў біржавым абвале — ім стала віцэ-прэзідэнт Камала Харыс
Штаб Камалы Харыс усяго за тыдзень сабраў рэкордную суму на яе прэзідэнцкую кампанію
Трамп захацеў перанесці дэбаты з Харыс на рэспубліканскі тэлеканал. Тая супраць
Каментары