Дар’ю Домрачаву з мужам заўважылі на свецкай тусоўцы ў Мінску ФОТЫ
Алімпійская прызёрка Дар’я Домрачава не любіць паказваць жыццё сваёй сям’і ў сацыяльных сетках. Але раптоўна яна — разам з мужам Оле-Эйнарам Б'ёрндаленам — засвяцілася на тусоўцы ў мінскім рэстаране «Анёлы».
Там святкавала дзень нараджэння жонка футбаліста Аляксандра Глеба, блогерка са 101 тысячай падпісчыкаў у інстаграме Святлана Глеб. Тэматыкай свята выбралі 1990-ыя, але менавіта той стыль, які актыўна культывуецца ў кіно і сацыяльных сетках, таму некаторыя госці прыйшлі ў вопратцы неонавых колераў.
Вядучым свята стаў Ілля Конанаў, а American Boy і «Погоду в доме» спявала заслужаная артыстка Беларусі Наталля Тамела. Сярод запрошаных мільгалі футбаліст Вячаслаў Глеб з жонкай, бізнэсвумен Вольгай Глеб, блогерка-дыетолаг Ірына Яблонская, але самай зорнай парай сталі тытулаваныя біятланісты Дар'я Домрачава і Оле-Эйнар Б'ёрндален. Іх вобразы былі даволі стрыманыя.
Гераіня Беларусі з захапленнем удзельнічала ў розных актыўнасцях, радавалася перамогам сваёй каманды і танчыла пад песню «Седая ночь».
Домрачава нават падзялілася сваім дзіцячым фотаздымкам: у адным з конкурсаў гасцям трэба было адгадаць, хто ж з прысутных на фота. У дзяўчынцы ў савецкай школьнай форме, якая трымае ў руках кветкі і буквар, будучую алімпійскую чэмпіёнку пазналі даволі хутка. Калі гэта атрымалася, Дар’я свяцілася ад шчасця. А вось па Б'ёрндалене складана сказаць, ці быў ён поўны энтузіязму і захаплення ад мерапрыемства.
Як пабрацца шлюбам з зорным футбалістам? Жонка Аляксандра Глеба распавяла, як настойліва дабівалася яго
Домрачава і Скардзіна далучыліся да чэленджу, каб сабраць грошы на рэабілітацыю дачкі Арзамасавай
«Магчыма, Домрачава многае атрымала ад падтрымкі Лукашэнкі». Рафаэль Пуарэ выказаў здагадку, чаму маўчыць славутая беларуская біятланістка
Бʼёрндален: Мы з Домрачавай у Беларусі вайны не адчуваем
Цяпер чытаюць
Хлопца, які ў Лебедзевай хаяў Еўропу, асудзілі за ўдзел у пратэстах і ўхіленне ад войска2
Каментары