У Польшчы заявілі аб спыненні дзейнасці групы кібердыверсантаў, якія працавалі на Беларусь і Расію
Беларускія і расійскія спецслужбы хацелі выкрасці інфармацыю, каб выкарыстоўваць яе для індывідуальнага і інстытуцыйнага шантажу, і весці, дэ-факта, кібервайну, заявіў міністар цыфравізацыі Польшчы.
Польскія службы спынілі дзейнасць групы дыверсантаў, якія працавалі ў кіберсферы. Пра гэта на прэс-канферэнцыі заявіў віцэ-прэм'ер, міністр цыфравізацыі Кшыштаф Гаўкоўскі, піша reform.news.
«Дзякуючы супрацоўніцтву служб, звязаных з міністрам-каардынатарам спецслужбаў, і службаў, звязаных з Міністэрствам цыфравізацыі, у апошнія дні атрымалася выявіць групу дыверсантаў, якая ў Польшчы мела пэўныя мэты і кіравалася з вызначанага месца. Беларускія і расійскія службы ў сферы кібербяспекі ў Польшчы мелі пэўную мэту: выкрасці інфармацыю, давесці да індывідуальнага і інстытуцыйнага шантажу, і весці, дэ-факта, кібервайну», — сказаў ён.
Паводле яго слоў, усё пачалося з уцечкі даных у Польскім антыдопінгавым агенцтве. Тады спецслужбы паставілі сваёй задачай вызначыць кірункі пранікнення ў іншыя польскія ўстановы, ад мясцовых органаў да дзяржкампаній. Па словах Гаўкоўскага, усе арганізацыі і ўстановы паінфармаваныя аб пагрозах.
«Па іх ідзе аператыўная праца, але пастаўленая зламыснікамі мэта — выкраданне даных і наступны шантаж — спыненая. Гэта вялікі поспех як Агенцтва ўнутранай бяспекі, так і Навукова-акадэмічнай камп'ютарнай сеткі, вядома, у супрацоўніцтве з вайсковымі службамі», — сказаў віцэ-прэм'ер.
Ён дадаў, што выкрадзеныя персанальныя даныя маглі быць скарыстаныя для вымагальніцтва грошай, а таксама для прымусу да вярбоўкі.
Цяпер чытаюць
Ананімы — гісторыі беларусаў, якім прыходзіцца шыфравацца, бо рэжым лічыць іх дзейнасць «крыміналам»6
Каментары