U Polščy zajavili ab spynieńni dziejnaści hrupy kibierdyviersantaŭ, jakija pracavali na Biełaruś i Rasiju
Biełaruskija i rasijskija śpiecsłužby chacieli vykraści infarmacyju, kab vykarystoŭvać jaje dla indyvidualnaha i instytucyjnaha šantažu, i vieści, de-fakta, kibiervajnu, zajaviŭ ministar cyfravizacyi Polščy.
Polskija słužby spynili dziejnaść hrupy dyviersantaŭ, jakija pracavali ŭ kibierśfiery. Pra heta na pres-kanfierencyi zajaviŭ vice-premjer, ministr cyfravizacyi Kšyštaf Haŭkoŭski, piša reform.news.
«Dziakujučy supracoŭnictvu słužb, źviazanych ź ministram-kaardynataram śpiecsłužbaŭ, i słužbaŭ, źviazanych ź Ministerstvam cyfravizacyi, u apošnija dni atrymałasia vyjavić hrupu dyviersantaŭ, jakaja ŭ Polščy mieła peŭnyja mety i kiravałasia z vyznačanaha miesca. Biełaruskija i rasijskija słužby ŭ śfiery kibierbiaśpieki ŭ Polščy mieli peŭnuju metu: vykraści infarmacyju, davieści da indyvidualnaha i instytucyjnaha šantažu, i vieści, de-fakta, kibiervajnu», — skazaŭ jon.
Pavodle jaho słoŭ, usio pačałosia z uciečki danych u Polskim antydopinhavym ahienctvie. Tady śpiecsłužby pastavili svajoj zadačaj vyznačyć kirunki praniknieńnia ŭ inšyja polskija ŭstanovy, ad miascovych orhanaŭ da dziaržkampanij. Pa słovach Haŭkoŭskaha, usie arhanizacyi i ŭstanovy painfarmavanyja ab pahrozach.
«Pa ich idzie apieratyŭnaja praca, ale pastaŭlenaja złamyśnikami meta — vykradańnie danych i nastupny šantaž — spynienaja. Heta vialiki pośpiech jak Ahienctva ŭnutranaj biaśpieki, tak i Navukova-akademičnaj kampjutarnaj sietki, viadoma, u supracoŭnictvie z vajskovymi słužbami», — skazaŭ vice-premjer.
Jon dadaŭ, što vykradzienyja piersanalnyja danyja mahli być skarystanyja dla vymahalnictva hrošaj, a taksama dla prymusu da viarboŭki.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary