Мінскі краязнаўца Дзяніс Блішч у сваім тэлеграм-канале адзначыў, што пачаў даражэць праезд у сталічных маршрутках.
Ён прыклаў фатаграфію з маршруткі №1097 «Ангарская — ГЦ Ждановічы». Вялікая налепка на панэлі абвяшчае, што кошт праезду складае 2,5 рубля.
Побач вісіць ліст памеру А4 з аб'явай:
«Паважаныя пасажыры! Кошт праезду з 07 кастрычніка 2024 г. — 3 рублі».
Аўтар адзначае: «падобна, маршруткі Мінска пачынаюць пераходзіць на тарыф 3 рублі за паездку. Звычайна яны гэта робяць не адначасова, але ўрэшце робяць усе».
Праезд у дзяржаўным грамадскім транспарце Мінска апошні раз даражэў 20 красавіка 2022 года: наземны транспарт — з 75 да 85 капеек (на 13,3%), а метро — з 80 да 90 капеек (на 12,5%), адзначае Blizko.by.
Былы выкладчык Іняза перайшоў на беларускую ў эміграцыі. Ён разважае пра лёс універсітэта, беларусаў за мяжой і адрозненне нас ад палякаў4
Каментары
Получается +200% подорожания всего за 5 лет, мощно.