Дзермант і Пятроўскі крычалі «Тшэба!» Лукашэнку, але прывялі ў ЦВК камуніста Сыранкова
Свой падкантрольны Лукашэнку кандыдат будзе і ад Камуністычнай партыі. Прытым што раней новаспечаныя члены гэтай партыі Аляксей Дзермант і Пётра Пятроўскі бралі ўдзел у флэшмобе «Надо!», выкрыкваючы словы ў падтрымку Лукашэнку па-польску — «Тшэба!»
Першы сакратар Камуністычнай партыі Беларусі Сяргей Сыранкоў падаў у ЦВК дакументы аб рэгістрацыі сваёй ініцыятыўнай групы, піша тэлеграм-канал Цэнтрвыбаркама. А на відэа з гэтай падзеі відаць, што тыя ж Дзермант і Пятроўскі яго суправаджалі.
Раней Сяргей Сыранкоў узначальваў аддзел адукацыі, спорту і турызму Краснапольскага райвыканкама, цяпер з'яўляецца дэпутатам Палаты прадстаўнікоў ад камуністаў. Паводле адукацыі ён настаўнік нямецкай мовы.
Раней дакументы на рэгістрацыю сваіх ініцыятыўных груп у ЦВК падалі, акрамя Аляксандра Лукашэнкі, юрыстка Ганна Канапацкая, лідар ЛДПБ Алег Гайдукевіч, лідар Рэспубліканскай партыі працы і справядлівасці Аляксандр Хіжняк, начальніца галоўнай управы ідэалагічнай працы Мінгарвыканкама Вольга Чамаданава, прадпрымальніца Дзіяна Кавалёва, старшыня Беларускага саюза афіцэраў, адстаўны генерал-маёр Сяргей Бобрыкаў. ЦВК ужо зарэгістраваў групы Лукашэнкі, Гайдукевіча, Хіжняка і Чамаданавай.
«Хочуць акружыць флангамі». Лукашэнка расказаў, дзеля чаго вылучаюцца Чамаданава і Канапацкая
ЦВК зарэгістраваў ініцыятыўныя групы Гайдукевіча, Хіжняка і Чамаданавай
Вучылася на настаўніцу беларускай мовы, строіла палкоўнікаў. Шэсць фактаў пра Вольгу Чамаданаву, якая ідзе на выбары
«Абяцаю, што не буду захопліваць уладу неканстытуцыйным шляхам». Пра што асуджаных за палітыку папярэджваюць перад выбарамі
Цяпер чытаюць
Выбітыя дзверы, маскі-шоу, затрыманне топ-менеджараў. Пачаўся пагром «Еўраопта»13
Каментары