На волю выйшаў культурны менеджар з Віцебска Уладзімір Булаўскі
Культурны менеджар Уладзімір Булаўскі быў асуджаны да 2 гадоў зняволення па арт. 342-2 КК («неаднаразовае парушэнне парадку арганізацыі або правядзення масавых мерапрыемстваў»).
Пра яго вызваленне павядамляюць сярод культурных дзеячоў Віцебска, піша тэлеграм-канал «Віцебск, я гуляю!».
35-гадовы Уладзімір быў адным з чатырох палітвязняў, якіх асудзілі па гэтым артыкуле, — крыміналку завялі за некалькі адміністрацыйных спраў.
Першы раз ён быў затрыманы ў асноўны дзень галасавання на рэферэндуме, 27 лютага 2022 года, і арыштаваны на 15 сутак. Уладзімір мусіў выйсці на волю, але дадому яго прывезлі пяць сілавікоў, зладзілі ператрус і зноў забралі актывіста з сабой.
Другі раз яго затрымалі пасля таго, як 14 снежня 2022 года ў Віцебску затрымалі яшчэ трох чалавек, звязаных з дзейнасцю гастрапаба ROK’I PUB. Нагодай мог стаць адзін з канцэртаў. УДФР распачаў справу за нясплату падаткаў. Відаць, Булаўскага як арганізатара канцэртнай дзейнасці ў Віцебску таксама затрымалі ў межах гэтай справы.
Вядома, што падчас знаходжання ў СІЗА-2 у мужчыны памёр бацька, але адміністрацыя не адпусціла Уладзіміра на пахаванне.
У выніку Уладзіміра асудзілі за ўдзел у мірных акцыях. Ён адбываў пакаранне ў бабруйскай папраўчай калоніі №2.
-
Лукашэнка: Прыйшоў час вярнуцца на шлях нармалізацыі адносін Беларусі і ЗША
-
«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту
-
«Адну мяне прыводзіць у шаленства, што за мяжой я выключна ІрЫна?» Беларуска абураецца транслітэрацыяй у пашпарце з беларускай мовы
Цяпер чытаюць
«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту1
Каментары