Участак рэспубліканскай трасы М-3 Мінск — Віцебск адкрыўся пасля рэканструкцыі. Падзею прымеркавалі да 7 лістапада.
У цырымоніі адкрыцця прынялі ўдзел віцэ-прэм'ер Анатоль Сівак і міністр транспарту і камунікацый Аляксей Ляхновіч. Сівак расказаў, што пасля рэканструкцыі ўчастак дарогі ад Лагойска да Плешчаніц атрымаў найвышэйшую — першую — катэгорыю. Да гэтага, паводле яго слоў, ён меў другую катэгорыю, а дарога лічылася адной з самых напружаных у краіне з улікам грузавога трафіку.
У рамках рэканструкцыі на ўчастку ад Лагойска да Плешчаніц паклалі бетоннае пакрыццё, пабудавалі новы мост над ракой Гайна, развязку каля Хатыні, а дарога атрымала чатыры паласы замест дзвюх і хуткасны рэжым да 120 км/г.
Рамонт на 15-кіламетровым участку пачаўся ў чэрвені 2023 года. Першапачаткова працы планавалася завяршыць у снежні 2024-га, аднак потым у Мінтрансе заявілі, што рэканструкцыя будзе завершана раней. Будаўніцтва аднаго кіламетра дарогі на ўчастку абышлося ў 9,3 мільёна рублёў.
Заяўляецца, што гэтым аб'ектам распачата стварэнне ў Беларусі новага міжнароднага транспартнага калідора да партоў Санкт — Пецярбурга.
Дзмітрый Лукашэнка хоча паставіць пад кантроль усе мабільныя тэлефоны11
Каментары