Паводле прагнозу Рэспубліканскага гідраметэацэнтра, 27 лютага ў Беларусі чакаецца воблачнае надвор’е. Ноччу на ўсходзе, днём у Брэсцкай, Гродзенскай, па захадзе Віцебскай і Мінскай абласцей невялікія ападкі (мокры снег, дождж). Ноччу і раніцай на большай частцы тэрыторыі, днём месцамі туман. У асобных раёнах слабы галалёд, на дарогах галалёдзіца. Вецер паўднёвы, паўднёва‑ўсходні 4—9 м/с. Тэмпература паветра ноччу мінус 5 — плюс 1°С, днём 0 — плюс 6°С.
У Мінску 27 лютага воблачна, без істотных ападкаў. Ноччу і раніцай туман, слабы галалёд. На асобных участках дарог галалёдзіца. Вецер паўднёвы, паўднёва‑ўсходні 4—9 м/с. Тэмпература паветра ноччу мінус 1 — плюс 1°С, днём плюс 1—3°С.
У наступныя двое сутак, 28 лютага — 1 сакавіка, па рэспубліцы чакаецца воблачнае з праясненнямі надвор’е. 28‑га ноччу на значнай частцы тэрыторыі, днём пераважна па ўсходняй палове невялікія ападкі (мокры снег, дождж). У асобных раёнах туман, слабы галалёд, на дарогах галалёдзіца. Вецер паўднёвы 4—9 м/с. Тэмпература паветра ноччу мінус 3 — плюс 2°С, днём ад мінус 1°С па ўсходзе да плюс 6°С па паўднёвым захадзе. 1 сакавіка ў многіх раёнах мокры снег, дождж. На асобных участках дарог галалёдзіца. Вецер паўднёвы, паўднёва‑заходні 6—11 м/с, днём парывы да 14 м/с. Тэмпература паветра ноччу мінус 2 — плюс 3°С, днём 0 — плюс 6°С.
У Мінску 28 лютага воблачна з праясненнямі. Часам невялікія ападкі (мокры снег, дождж). Слабы туман, галалёд, на дарогах галалёдзіца. Вецер паўднёва‑ўсходні, паўднёвы 4—9 м/с. Тэмпература паветра ноччу мінус 1 — плюс 1°С, днём 0 — плюс 2°С.
Каментары