У Беларусі забаранілі тры віды расійскага марозіва і батончык «Агуша»
Беларускі Дзяржстандарт унёс у спіс небяспечнай прадукцыі тры віды марожанага з Расіі — аказалася, што заменніка малочнага тлушчу ў іх больш, чым трэба. Таксама пад забарону трапіў дзіцячы фруктовы батончык «Агуша» — у ім занадта шмат кансервантаў.
У чорны спіс Дзяржстандарта трапілі тры віды марожанага маркі «Фабрика грез». Усе яны — з заменнікам малочнага тлушчу, прычым яго аказалася больш за 99,9% пры норме не больш за 50%.
Таксама ў спісе небяспечнай прадукцыі апынуўся фруктовы батончык «Яблык-ажына-маліна» брэнда «Агуша» вытворчасці расійскага ТАА ПК «Фарм-про». У ім знайшлі не заяўлены ў маркіроўцы кансервант дыяксід серы. Яго колькасць перавышае 10 мг/кг, што, на думку Дзяржстандарту, можа выклікаць алергію і супрацьпаказана пры асобных відах захворванняў у дзяцей.
Забароны на ўвоз і продаж гэтых прадуктаў пачнуць дзейнічаць 9 снежня.
Цяпер чытаюць
Чакаецца новы раўнд перамоваў між Беларуссю і ЗША — літоўскі СМІ9
Каментары