8 снежня пасля працяглай цяжкай хваробы пайшла з жыцця журналістка Таццяна Цюрына, паведаміў Беларускі саюз мастакоў. Ёй было 76 гадоў.
Таццяна Міхайлаўна Цюрына нарадзілася у 1948 годзе ў Негарэлым Дзяржынскага раёна.
Пасля заканчэння факультэта журналістыкі БДУ працавала ў шматлікіх беларускіх перыядычных выданнях: «Знамя юности», «Дело (Восток+Запад), «Белорусская деловая газета», была спецкарэспандэнткай па Беларусі газеты «Советская культура» (Масква).
Асноўныя публікацыі прысвечаны жывапісу, творчаму жыццю мастакоў, агульным праблемам нацыянальнай культуры. Таксама яна была аўтаркай кнігі «Чароўны экран» пра мастакоў візуальных мастацтваў.
Уваходзіла ў секцыю крытыкі і мастацтвазнаўства Беларускага саюза мастакоў.
Развітанне з Таццянай Цюрынай адбудзецца 10 снежня ў 13.45 у рытуальнай зале па адрасе: вул. Сямашкі, д. 8, корп. 8.
Каментары