Крыніцы ва ўрадзе Азербайджана пацвердзілі, што самалёт Azerbaijan Airlines быў збіты расійскай ракетай
Прычынай катастрофы самалёта авіякампаніі Azerbaijan Airlines у Актау 25 снежня стала расійская ракета класа «зямля-паветра», піша Euronews са спасылкай на крыніцы ва ўрадзе Азербайджана.
Крыніцы ва ўрадзе Азербайджана эксклюзіўна пацвердзілі Euronews у чацвер, што прычынай крушэння самалёта «Азербайджанскіх авіяліній» у Актау ў сераду стала расійская ракета класа «Зямля-паветра».
Паводле крыніцаў, ракета была выпушчаная па рэйсе 8432 падчас палёту беспілотніка над Грозным, і аскепкі патрапілі ў пасажыраў і бортправаднікоў, калі яна выбухнула побач з самалётам падчас палёту.
Урадавыя крыніцы паведамілі Euronews, што пашкоджанаму самалёту не дазволілі прызямліцца ні ў адным з расійскіх аэрапортаў, нягледзячы на просьбы пілотаў аб экстранай пасадцы, і яму было загадана ляцець праз Каспійскае мора ў бок Актау ў Казахстане. Паводле атрыманых даных, навігацыйныя сістэмы GPS самалёта былі перагружаныя на працягу ўсёй траекторыі палёту над морам.
Нагадаем, што раніцай 25 снежня самалёт Azerbaijan Airlines, які ляцеў з Баку ў Грозны, упаў блізу аэрапорта Актау. На борце лайнера было 67 чалавек, у тым ліку 37 грамадзян Азербайджана, 16 расейцаў, шэсць казахстанцаў і трое грамадзян Кыргызстана. У авіякатастрофе загінулі 38 чалавек, 29 выжылі. Стан семярых з тых, хто выжыў, медыкі ацэньваюць як вельмі цяжкі.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу2
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х19
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8383
Каментары
Гэта ня так і лёгка. Не звычайная РЭБ .
Таму ён чвсова і знік з " флайт радару " .
Гэта сведчыць што расея зрабіла ўсе магчымае , как знішчыць борт з людзьмі.
Схуваць сляды свайго злачынства .