Krynicy va ŭradzie Azierbajdžana paćvierdzili, što samalot Azerbaijan Airlines byŭ źbity rasijskaj rakietaj
Pryčynaj katastrofy samalota avijakampanii Azerbaijan Airlines u Aktau 25 śniežnia stała rasijskaja rakieta kłasa «ziamla-pavietra», piša Euronews sa spasyłkaj na krynicy va ŭradzie Azierbajdžana.
Krynicy va ŭradzie Azierbajdžana ekskluziŭna paćvierdzili Euronews u čaćvier, što pryčynaj krušeńnia samalota «Azierbajdžanskich avijalinij» u Aktau ŭ sieradu stała rasijskaja rakieta kłasa «Ziamla-pavietra».
Pavodle krynicaŭ, rakieta była vypuščanaja pa rejsie 8432 padčas palotu bieśpiłotnika nad Hroznym, i askiepki patrapili ŭ pasažyraŭ i bortpravadnikoŭ, kali jana vybuchnuła pobač z samalotam padčas palotu.
Uradavyja krynicy paviedamili Euronews, što paškodžanamu samalotu nie dazvolili pryziamlicca ni ŭ adnym z rasijskich aeraportaŭ, niahledziačy na prośby piłotaŭ ab ekstranaj pasadcy, i jamu było zahadana lacieć praz Kaśpijskaje mora ŭ bok Aktau ŭ Kazachstanie. Pavodle atrymanych danych, navihacyjnyja sistemy GPS samalota byli pierahružanyja na praciahu ŭsioj trajektoryi palotu nad moram.
Nahadajem, što ranicaj 25 śniežnia samalot Azerbaijan Airlines, jaki lacieŭ z Baku ŭ Hrozny, upaŭ blizu aeraporta Aktau. Na borcie łajniera było 67 čałaviek, u tym liku 37 hramadzian Azierbajdžana, 16 rasiejcaŭ, šeść kazachstancaŭ i troje hramadzian Kyrhyzstana. U avijakatastrofie zahinuli 38 čałaviek, 29 vyžyli. Stan siemiarych z tych, chto vyžyŭ, miedyki aceńvajuć jak vielmi ciažki.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ44
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ4
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary
Heta nia tak i lohka. Nie zvyčajnaja REB .
Tamu jon čvsova i źnik z " fłajt radaru " .
Heta śviedčyć što rasieja zrabiła ŭsie mahčymaje , kak źniščyć bort ź ludźmi.
Schuvać ślady svajho złačynstva .