Гатуеце на святы для невялікай кампаніі? Паспрабуйце запечаную грудку індыка — гэта просты варыянт замест гатавання цэлай птушкі.
Каб запячы грудку індыка, спатрэбіцца:
- 1 вялікая грудка індыка або падвойная грудка, звязаная ў рулет (каля 2 кг)
- 2 буйныя цыбуліны, нарэзаныя тоўстымі кольцамі
- 2 буйныя морквы, нарэзаныя на 4 гарызантальныя кавалачкі
- 20 г масла пакаёвай тэмпературы
Як гатаваць:
1. Дастаньце грудку індыка з халадзільніка і дайце ёй гадзіну нагрэцца да пакаёвай тэмпературы.
2. Устаўце рашотку ў сярэдзіну бляхі так, каб цыбуля і морква апынуліся пад рашоткай, або раскладзіце гародніну на гарачатрывалай патэльні.
3. Узважце грудку індыка і разлічыце час гатавання: 40 хвілін на кожны кілаграм плюс дадатковыя 20 хвілін.
4. Натрыце скурку грудкі маслам і добра прыпраўце. Пакладзіце грудку на рашотку над гароднінай на блясе або проста на гародніну ў патэльні.
5. Наліце ў форму дастаткова вады, каб пакрыць гародніну, і накрыйце форму або патэльню фольгай, ствараючы «намёт».
6. Запякайце на працягу разлічанага часу, здыміце фольгу за 20 хвілін да канца гатавання, каб скурка падрумянілася. Праверце гатоўнасць, праткнуўшы грудку вастрыём нажа: яна павінна быць гарачай навобмацак, а сокі — празрыстымі. Калі ёсць тэрмометр, тэмпература павінна быць 65-70°C. Калі грудка здаецца недагатаванай, вярніце яе ў духоўку яшчэ на 10 хвілін.
7. Дайце індыку адпачыць у цёплым месцы 20 хвілін. За гэты час яна працягне гатавацца, унутраная тэмпература дасягне 70°C ці крыху вышэй. Не прапускайце гэты крок, інакш сокі выцекуць пры нарэзцы.
8. Па жаданні выкарыстайце працэджаную гародніну і вадкасць з формы разам з сокамі ад нарэзкі індыка, каб прыгатаваць падліўку. Падавайце індыка з гароднінай і падліўкай.
Фоты з Масквы даюць пабачыць Пуціна і Лукашэнку без грыму15
Каментары