Каб пазбегнуць пырскаў, давайце разбяром фізічны механізм, як яны ўзнікаюць.
Калі гарачы тлушч пырскае з патэльні, то і адмываць яго пасля цяжка, і абпячыся можна. Нават у вочы можа патрапіць. Каб пазбегнуць гэтага, ёсць некалькі простых правілаў.
Патэльня мусіць быць сухой і чыстай. І прадукты, якія вы кладзяце на патэльню, мусяць быць не мокрыя.
Гарачы тлушч пачынае страляць толькі тады, калі ў яго трапляе вада, а тым больш лёд. Вось як гэта робіцца: калі халодная вада пападае ў вельмі гарачы алей, яна імкнецца адразу ж выпарыцца, а тлушч не дае ёй гэта зрабіць, бо ён больш шчыльны, чым вада. У выніку пара проста-такі «прарываецца» на волю — так і з’яўляюцца гарачыя пырскі з вады і алею.
Таму не забывайце працерці патэльню перад гатаваннем.
А што, калі закрыць патэльню накрыўкай? Гэта не ўратуе вас ад пырскання, бо з унутранага боку накрыўкі будзе збірацца вада. Калі вы будзеце падымаць яе падчас гатавання, кандэнсат будзе капаць ці сцякаць на алей, што выкліча вельмі моцнае пырсканне.
Каментары