Свет

Беларусь працягвае пастаўкі зброі ў Лівію

Дзіўныя палёты з Беларусі заўважыла выданне, якое аналізуе паветраны трафік.

Самалёт з рэгістрацыйным нумарам EW-450TR. Фота: Jeroen Stroes Aviation Photography / Wikimedia Commons

Самалёт Іл-62 беларускай авіякампаніі Rada Airlines вылятаў з тэрыторыі «былой авіябазы ў Беларусі» ў напрамку Бенгазі, перадае выданне Reform.news.

Ён быў пераабсталяваны з пасажырскага ў грузавы. Паводле інфармацыі выдання Aeroin, паветраны борт, верагодна, перавозіў зброю ў Лівію/

Паводле звестак выдання, з Беларусі была праведзена «серыя» такіх палётаў.

«Серыя палётаў звязана з візітам Садама Хафтара, аднаго з сыноў Халіфы Хафтара, у Беларусь, які адбыўся 11 кастрычніка 2024 года. Садам быў у суправаджэнні брыгаднага генерала Мухамада Аль-Манфура Аль-Аміна, камандуючага Авіяцыйнай акадэміяй на ўсходзе Лівіі», — піша выданне.

Паведамляецца, што першыя рэйсы з Беларусі ў Лівію адбыліся ў лістападзе.

«Самалёт з рэгістрацыйным нумарам EW-450TR праляцеў нетыповым маршрутам, абмінаючы паветраную прастору Турцыі і пралятаючы праз такія краіны, як Іран, Ірак і Сірыя, перш чым дасягнуць Лівіі. На наступны дзень самалёт вярнуўся на базу, гэтым разам па найбольш кароткім маршруце, які ўключаў пралёт над Турцыяй», — паведамляецца ў публікацыі.

Абход Турцыі рэйсам, які адбыўся 12 лістапада, выданне звязвае з тым, што «Турцыя падтрымлівае ўрад, размешчаны ў Трыпалі, і, хутчэй за ўсё, не дапусціць праходжання зброі праз сваю тэрыторыю».

Пазней самалёт зноў вылецеў з Оршы ў Бенгазі, «прытрымліваючыся стратэгіі абыходу паветранай прасторы Турцыі».

«У наступныя дні было праведзена яшчэ больш палётаў, у тым ліку вяртанне ў Мінск, заўсёды з ухіленнем ад маршрутаў, якія маглі прыцягнуць увагу ўлад, якія выступаюць супраць перавозкі зброі. Гэтыя аперацыі падкрэсліваюць складаную дынаміку ваеннай і матэрыяльна-тэхнічнай падтрымкі ў лівійскім канфлікце, адначасова выкарыстоўваючы прабелы ў міжнародных правілах і кідаючы выклік высілкам па стрымліванні праз санкцыі», — адзначае выданне.

Нагадаем, Садам Хафтар, сын галоўнакамандуючага Лівійскай нацыянальнай арміяй (ЛНА) Халіфы Хафтара, у кастрычніку наведаў Беларусь, каб заключыць пагадненне аб падрыхтоўцы ваенных лётчыкаў для Лівійскай нацыянальнай арміі, якой камандуе ягоны бацька. 

Каментары

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная16

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Усе навіны →
Усе навіны

Трамп вымушана спыняе рэйды супраць імігрантаў у сельскай гаспадарцы і гатэльным бізнэсе3

Навукоўцы знайшлі просты спосаб паспрыяць росту раслін — музыка, але не кожная20

Ryanair будзе штрафаваць пасажыраў, якія парушаюць парадак1

У Гомелі 7 гадоў таму пабудавалі прыбіральню ледзь не за мільён даляраў. Як у ёй цяпер?4

У Дубаі загарэўся 67-павярховы хмарачос3

Што можа чакаць тых, каго будуць судзіць па справе «Беларускага Гаюна»?

Лукашэнка парэкамендаваў беларусам не налягаць на бульбу13

Ізраільцянам прыходзяць шпіёнскія паведамленні ад карэспандэнткі АНТ10

Усплёскі заказаў піцы каля Пентагона маглі сведчыць пра будучую атаку на Іран9

больш чытаных навін
больш лайканых навін

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная16

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Галоўнае
Усе навіны →

Заўвага:

 

 

 

 

Закрыць Паведаміць