Славацкага палітыка чакаюць «у маі 2025 года ці ў іншы зручны для яго час».
Аляксандр Лукашэнка накіраваў віншаванні прэзідэнту і прэм'ер-міністру Славакіі Петэру Пелегрыні і Роберту Фіца з Днём утварэння Рэспублікі.
Reform.news звярнуў увагу, што ў віншаванні Лукашэнка запрасіў Фіца ў Беларусь, «наведаць Мінск і Брэсцкую крэпасць напярэдадні 80-годдзя Вялікай Перамогі ў маі 2025 года ці ў іншы зручны для яго час» з улікам «асабістай адданасці Роберта Фіца захаванню гістарычнай памяці пра подзвіг продкаў».
Раней Фіца запрасіў беларускую дэлегацыю на святкаванне 80-годдзя Славацкага нацыянальнага паўстання, якое ўспыхнула ў 1944 годзе і было накіравана супраць нацысцкай Германіі. У лістападзе 2024 года Фіца заявіў, што прыняў запрашэнне на святкаванне ў Маскве 80-годдзя Перамогі ў Вялікай Айчыннай вайне. У снежні 2024 года ён наведаў Маскву і сустрэўся з Уладзімірам Пуціным.
Нагадаем, незалежнасць Славакіі была абвешчана 1 студзеня 1993 года, у выніку мірнага распаду Чэхаславакіі. Пры гэтым падчас Другой сусветнай вайны існавала залежная ад нацысцкай Германіі славацкая дзяржава, якая ў 1945 годзе ізноў стала часткай Чэхаславакіі.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»39
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары