Лукашэнка заклікаў зрабіць выбары не як у ЗША, дзе «страляюць у вуха ці ў галаву»
Аляксандр Лукашэнка заявіў, што прэзідэнцкія выбары ў Беларусі павінны стаць «святам».
«Нам амерыканскае шоу, дзе страляюць у вуха ці ў галаву, не трэба», — сказаў Лукашэнка на сустрэчы з даверанымі асобамі ў пятніцу;
Ён таксама адзначыў, што трэба вызначыцца з запрашэннем заходніх назіральнікаў на выбары.
Паводле яго слоў, хутчэй за ўсё, назіральнікі прыедуць на выбары з ужо падрыхтаванымі заявамі пра тое, што ўсё дрэнна: канкурэнцыі не было, шоу, як у ЗША, не было.
«Не стралялі, ні ў вуха не трапілі, ні ў галаву, барані Божа, і гэтак далей — значыць, дрэнна. Але вы зразумейце, гэта ж не тыя, хто камандуе (камандуюць спецыяльныя цэнтры прыняцця рашэнняў). Людзі, якія прыедуць, — усё ж нешта чалавечае ў іх ёсць. Яны ж будуць бачыць рэальную карціну ў Беларусі. Так, у іх гэта шоу. У нас няма, у нас выбары — сур’ёзнае мерапрыемства», — працягнуў Лукашэнка.
Ён таксама заявіў, што «калі б трэба было правесці выбары ў выглядзе шоу, мы б такое зрабілі, што тут грымеў бы ўвесь край. Але потым па інерцыі гэты гром пакоціцца аж да ліпеня-жніўня, ніхто ж працаваць не будзе. А ў нас сітуацыя не тая, каб адпачываць», — падсумаваў ён.
Цяпер чытаюць
Расіянін з судзімасцю заняўся дабрачыннасцю ў Беларусі. У некаторых пасля дапамогі Дзядзі Яшы пачынаюцца праблемы3
Каментары