У аператыўна-дзяжурную службу Івацэвіцкага РАУС звярнулася 77-гадовая мясцовая жыхарка. Яна расказала, што невядомы з яе падвала скраў 81 слоік з закаткамі, прычыніўшы шкоду на суму больш за 500 рублёў.
Міліцыя высветліла, што крадзеж учыніў 45-гадовы непрацуючы, раней судзімы, жыхар Івацэвічаў. Як растлумачыў фігурант, каля месяца таму ён вызваліўся з лячэбна-працоўнага прафілакторыя і пражываў з маці. Жонка фігуранта пражывала асобна, аднак прыехала да мужчыны ў госці. Маці не дазволіла ладзіць у сваім доме зацяжныя застоллі, і пара мірна перамясцілася ў падвал.
У падвале муж і жонка пражылі агулам каля двух тыдняў, рэгулярна ўжываючы алкаголь.
Паколькі ежа ў пары хутка скончылася, прадпрымальны муж вырашыў паласавацца запасамі, якія на зіму нарыхтавалі суседзі. Ён выявіў адзін з скляпоў і перыядычна стаў выносіць банкі з кансервацыяй.
Следчымі заведзена крымінальная справа за крадзеж. Мужчыну пагражае да трох гадоў.
Цяпер чытаюць
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк13
Каментары