Былы расійскі алігарх Гусінскі заявіў, што згалеў і жыве на $20 тысяч на месяц
Вядомы расійскі алігарх 1990-х гадоў Уладзімір Гусінскі, які ў свой час валодаў тэлеканалам НТВ і радыёстанцыяй «Эхо Москвы», застаўся без бізнэсу і мае даўгоў амаль на $7,5 млн, піша выданне «Агентство».
«Агентство» вывучыла фінансавы афідэвіт Гусінскага. Гэты дакумент 1 студзеня 2025 года быў пададзены прадпрымальнікам суду штата Канектыкут у ЗША ў рамках шлюбаразводнага працэсу, які доўжыцца ўжо амаль тры гады. Жонка Гусінскага Алена Канстанціну пацвердзіла сапраўднасць афідэвіта.
Згодна з дакументам, даўгі Гусінскага перад дзесяццю крэдыторамі перавышаюць $7,3 млн, у той час як тыя актывы, што ў яго засталіся, ацэньваюцца ў суму крыху больш за $5,9 млн.
Былы алігарх валодае двума дамамі ў Канектыкуце, аўтамабілем Mercedes S550, рахункам у ізраільскім банку Mizrahi-Tefahot, а таксама ювелірнымі вырабамі.
Штотыднёвыя выдаткі прадпрымальніка, калі верыць афідэвіту, роўныя $4990. У $2308 абыходзіцца арэнда жылля ў Ізраілі, $750 ідзе на прадукты, $462 — на добраўпарадкаванне дома, $456 — на абслугоўванне аўтамабіля, $403 — на медыцыну, $323 — на аплату газу, $192 — на выплаты дзецям, $96 — на адзенне.
Дзве апошнія кампаніі, якія заставаліся ў Гусінскага, цяпер праходзяць праз працэдуру банкруцтва. Гэта медыяпраекты News Ru Israel LTD і New Media Holding LLC.
Сам бізнэсмэн адмовіўся ад каментароў адносна афідэвіта і сваіх даўгоў.
У 1990-х гадах, да прыходу да ўлады ў Расіі Уладзіміра Пуціна, Гусінскі быў адным з найбуйнейшых расійскіх алігархаў, які стварыў «Мост-банк» і валодаў тэлеканалам НТВ, радыёстанцыяй «Эхо Москвы», часопісам «Итоги» і іншымі медыяактывамі. У 2010 годзе Forbes ацэньваў яго багацце ў $400 млн.
Гоншчыка Формулы-1 Мазепіна, сына мільярдэра беларускага паходжання, абвінавачваюць у згвалтаванні эскортніцы
Радзіна рэзка адказала Халезіну: Неўзлін — мой сябар, які шмат зрабіў для развіцця дэмакратыі ў многіх краінах
ЗША патрацілі $30 мільёнаў на абслугоўванне арыштаванай яхты расійскага алігарха Керымава. У ёй памянялі нават ёршыкі ў прыбіральні
«Яны ўсе хочуць Савецкі Саюз, але пры гэтым жыць як сёння». Сябар Лукашэнкі рэзка раскрытыкаваў савецкае мінулае і яго рэстаўратараў
«Засяроджуся на працы з ЗША». Ціханоўскі расказаў пра свае палітычныя планы на 2026 год32
Каментары
Может не надо было жиреть, и бес конца ныть про то, как ты хотела бы жить на Манхетоне, но не развивается почему-то он?