Абраны прэзідэнт ЗША Дональд Трамп мае намер пачаць маштабныя дэпартацыі нелегальных мігрантаў адразу пасля сваёй інаўгурацыі, паведамляе The Wall Street Journal.
Як сцвярджае прызначаны кіраўніком Службы памежнага кантролю Том Хоман, першыя рэйды пачнуцца ўжо ў аўторак, 21 студзеня.
Асаблівую ўвагу плануецца надаць Чыкага, куды за апошнія 2,5 гады прыбыло больш за 50 тыс. іншаземцаў. Акрамя таго, у Трампа нацягнутыя адносіны з мясцовым мэрам.
Як піша Washington Post, аперацыі працягнуцца не менш за тыдзень, у іх возьмуць удзел сотні супрацоўнікаў службы іміграцыйнага кантролю.
Чыкага — толькі адзін з многіх гарадоў, дзе будуць праводзіцца рэйды, заявіў Хоман, вядомы сваімі цвёрдымі поглядамі на міграцыйную палітыку. Падчас першай кадэнцыі Трампа Хоман, у прыватнасці, падтрымліваў спрэчныя меры, уключаючы падзел сем'яў нелегальных мігрантаў.
Паліцыя Чыкага, у сваю чаргу, заявіла, што не будзе перашкаджаць федэральным агентам, але і не стане даваць ім якую-небудзь інфармацыю. Як адзначыў прадстаўнік паліцыі Дон Тэры, горад працягне абараняць правы сваіх жыхароў, не супрацоўнічаючы з федэральнымі міграцыйнымі службамі.
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах1
Памерла палітзняволеная Алена Панкова. Паўгода назад яе асудзілі за ўдзел у пратэстах
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары