Спасылку на бот «Гаюна» сілавікі знайшлі на тэлефоне затрыманай актывісткі, якая працяглы час хавалася ў Беларусі
Стала вядома, як сілавікі змаглі атрымаць доступ к боту «Беларускага Гаюна».

Па інфармацыі «Нашай Нівы», на мінулым тыдні ў Беларусі затрымалі дваіх актывістаў — хлопца і дзяўчыну. Па расказах знаёмых, яны працяглы час знаходзіліся ў вышуку, аднак з краіны не выязджалі. Апошнім часам пара хавалася пад Мінскам.
Тыдзень таму актывістка перастала выходзіць на сувязь. Неўзабаве стала вядома пра яе затрыманне.
Мяркуючы па ўсім, у яе мабільніку знайшлі старую запрашальную спасылку ў чат, куды перасылалі кантэнт з бота «Гаюна». Дзяўчына забылася выдаліць яе. Паколькі спасылка не была адкліканая, сілавікі змаглі атрымаць доступ да чата.
Тэлеграм-канал ГУБАЗіКа апублікаваў нібыта скрыншот перапіскі дзяўчыны з Антонам Матолькам. Аднак складана сказаць, наколькі яна сапраўдная.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць
Каментары
Ну и понятно, что Мотолько за всех сидеть не поедет