Стрыжак распавёў, колькі зваротаў атрымаў BYSOL за 4 дні праз узлом «Беларускага гаюна»
Больш за 150 зваротаў прыйшло за чатыры дні на гарачую лінію @help_bysol па пытаннях, звязаных з «Беларускім Гаюном». Пра гэта паведаміў кіраўнік службы Андрэй Стрыжак.
«Даем кансультацыі, перанакіроўваем на партнёраў, адпраўляем на эвак [эвакуацыю] пры пільнай патрэбе», — напісаў ён.
Пра ўзлом праекта стала вядома 5 лютага — акаўнт, які, мяркуючы па ўсім, належаў супрацоўніку ГУБАЗіК, увайшоў у закрыты чат рэдактараў суполкі «Беларускі Гаюн». Пасля гэтага адтуль былі выгружаныя паведамленні.
«Беларускі Гаюн» — маніторынгавы OSINT-праект, які адсочвае ваенную актыўнасць расійскіх і беларускіх войскаў. Маніторынгавая група была створаная перад пачаткам расійска-ўкраінскай вайны актывістам Антонам Матолькам.
7 лютага праект спыніў працу.
За мінулы год BYSOL арганізаваў 228 выездаў — як адзіночных, так і эвакуацый сем'яў з дзецьмі.
-
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына
-
Міністр Маркаў заявіў, што трэба змагацца з тымі, хто кажа пра ўшчамленне рускай ці беларускай мовы
-
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары