Сіноптык Дзмітрый Рабаў расказаў на АНТ, якім будзе надвор'е ў Беларусі на тыдні з 10 па 16 лютага.
З пачатку тыдня надвор'е будзе залежаць ад антыцыклону скандынаўскага паходжання. Таму будзе марозна і без ападкаў.
Па начах і раніцай месцамі магчымы слабыя туманы, месцамі на дарогах — галалёдзіца. Тэмпература ноччу будзе ад -6 градусаў па захадзе да -12 марозу па ўсходзе краіны. Днём у панядзелак і аўторак будзе каля нуля.
У сярэдзіне тыдня на надвор'е ў Беларусі будзе ўплываць вобласць высокага атмасфернага ціску. Вецер будзе паўночным умеранай хуткасці. Месцамі слабы галалёд. У начны час у сераду, 12 лютага, тэмпература ноччу ад -1 марозу да -7 градусаў, а днём паветра прагрэецца да +2 градусаў.
Папярэдне, другая палова наступнага тыдня не абяцае сюрпрызаў надвор'я. Ападкі малаверагодныя, вецер — розных кірункаў, умеранай хуткасці. У начны час тэмпература будзе апускацца ад 0 да -6 марозу. Днём у чацвер пацяплее да +3 градусаў, у пятніцу — прыкладна нуль градусаў.
У выходныя, 15-16 лютага, у Беларусі надвор'е пачне мяняцца, магчымы невялікі снег. Ноччу тэмпература будзе ад 0 да -5 марозу, днём у суботу і нядзелю — «каля нуля».
Цяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»7
Каментары