У Архангельску масава ламаюцца аўтобусы МАЗ — праз гэта парушаны графік руху
Архангельскі перавозчык на тыдні выканаў толькі 86% рэйсаў. Усё праз праблемы з беларускімі аўтобусамі.
На мінулым тыдні ў Архангельску збіўся графік руху грамадскага транспарту. Перавозчык «Рыка», які абслугоўвае 28 аўтобусных маршрутаў, выканаў толькі 86,7% рэйсаў.
Праблемы ўзніклі праз масавыя паломкі аўтобусаў МАЗ. З-за істотных перападаў тэмператур падвеска ў МАЗаў не справілася, спатрэбіўся рамонт аўтобусаў, піша «Бизнес-класс Архангельск».
«На мінулым тыдні мы атрымлівалі шмат скаргаў ад жыхароў на працу аўтобусаў, дэпартамент транспарту неадкладна падключыўся да вырашэння праблемы. На сёння выхад аўтобусаў на лініі складае ўжо 95,6%», — удакладніў кіраўнік Архангельска Дзмітрый Мораў.
«АрхангельскМАЗцэнтр» аператыўна паставіў запчасткі перавозчыку. Аўтобусы ўжо вярнуліся ў строй і выйшлі на лініі.
Праблемы з аўтобусамі МАЗ у Расіі ўзнікаюць ужо некалькі гадоў. Яны часта гараць, прычым узгаранні часам узнікаюць проста на маршруце.
Хто той неадэкватны беларус, які ляснуў дзіцятка галавой аб падлогу ў маскоўскім Шарамеццеве8
Каментары