Сікорскі пракаментваў верагоднасць стварэння аб'яднанага еўрапейскага войска
Міністра замежных справаў Польшчы Радаслава Сікорскага спыталі, што ён думае наконт стварэння адзінага еўрапейскага войска.
Радаслаў Сікорскі адзначыў, што важна канкрэтызаваць, што ўкладваць у гэтае паняцце, піша Reuters.
«Калі вы маеце на ўвазе пад гэтым аб'яднанне нацыянальных войскаў — гэтага не будзе. Але я заўсёды выступаў за тое, каб Еўропа, ЕС развівалі свае абарончыя здольнасці», — адзначыў міністр замежных спраў Польшчы.
«Калі ЗША хочуць, каб мы рабілі больш для абараназдольнасці — у гэтым павінна быць нацыянальная кампанента, кампанента НАТА, але таксама, думаю, кампанента ЕС, еўрапейскія субсідыі для абароннай індустрыі, каб нарасціць нашу здольнасць вырабляць, але таксама нейкая еўрапейская сіла, якая вартая свайго імя», — адзначыў Радаслаў Сікорскі.
Напярэдадні прэзідэнт Украіны Уладзімір Зяленскі выказаў меркаванне, што надышоў час ствараць узброеныя сілы Еўропы.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі13
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4040
Каментары