Свет44

ЗША катэгарычна адмаўляюцца ўключаць гарантыі бяспекі ў дамову аб карысных выкапнях з Украінай

Вашынгтон усяляк супраціўляецца ўключэнню гарантый бяспекі ў дамову, па якой ён спадзяецца атрымаць доступ да ўкраінскіх мінералаў і іншых рэсурсаў.

Прэзідэнт ЗША Дональд Трамп. Фота: Joe Raedle / Getty Images

Канчатковы праект пагаднення паміж ЗША і Украінай па рэсурсах быў перададзены ў Вашынгтон. Ён засяроджваецца на стварэнні фонду рэканструкцыі Украіны, аднак спрэчныя дэталі, уключаючы гарантыі бяспекі, пакінутыя на больш познія этапы перамоў. Пра гэта паведаміла ўкраінская крыніца, знаёмая з ходам перамоў.

Амерыканскі бок усяляк супраціўляцца ўключэнню ў дамову гарантый бяспекі. Кіеў спадзяецца, што гэтае пытанне можа быць абмеркавана на будучай сустрэчы прэзідэнтаў Уладзіміра Зяленскага і Дональда Трампа, паведамляе CNN са спасылкай на інфармаваную ўкраінскую крыніцу.

«З нашага боку ўсё гатова. Мы завяршылі працу над праектам. Мы зрабілі ўсё магчымае, каб умовы былі разумнымі. У выніку гэтае рамачнае пагадненне аб стварэнні фонду рэканструкцыі Украіны. Асобнае пагадненне прадугледжвае, як гэты фонд будзе функцыянаваць», — паведаміла крыніца ва Украіне.

Яна падкрэсліла, што «найбольш праблемныя моманты былі выключаныя з праекта, але амерыканскі бок усё яшчэ катэгарычна адмаўляецца ўключаць у дакумент гарантыі бяспекі».

Крыніца выказала надзею, што падчас цырымоніі падпісання пытанне гарантый будзе вынесена на разгляд прэзідэнтаў.

«Мы чакаем адказу амерыканскага боку», — дадала крыніца.

ЗША імкнуцца атрымаць доступ да крытычна важных мінералаў і іншых рэсурсаў Украіны ў рамках больш шырокіх перамоў, накіраваных на заканчэнне вайны. Узамен Украіна патрабуе гарантый бяспекі, імкнучыся абараніць сябе ад магчымага новага расійскага ўварвання.

Украінскі бок працягвае дамагацца змен у пагадненні, бо бягучы праект, як кажуць украінскія чыноўнікі, «не прадугледжвае ніякіх абавязацельстваў з боку ЗША, тады як Украіна абавязана аддаць усё».

Прэзідэнт ЗША Дональд Трамп заявіў, што Украіна павінна даць ЗША 500 мільярдаў долараў у выглядзе крытычна важнай сыравіны ў якасці кампенсацыі за дапамогу, атрыманую Кіевам ад папярэдняй адміністрацыі.

Зяленскі адказаў, што Вашынгтон паставіў ягонай краіне ўзбраенне на суму 67 мільярдаў долараў і прамую бюджэтную падтрымку на 31,5 мільярда долараў. Ён заклікаў ЗША даць Украіне канкрэтныя гарантыі бяспекі ў абмен на доступ да найважнейшых рэсурсаў.

Каментары4

  • Агент
    24.02.2025
    Рыжик помогает уничтожать Украину.
  • Барадзед
    24.02.2025
    Трамп слишком жадный, падкий на деньги. Как можно было избрать кого-то подобного президентом? Останется ни чем этот любитель заключать дурацкие сделки.
  • ваван
    25.02.2025
    Барадзед, на своего погляди...
    П.С. И неважно где ты живешь в рб или рф

Цяпер чытаюць

Замест вайны сланы ў новай кнізе Сашы Філіпенкі. Там Масква і шмат маніпуляцыі3

Замест вайны сланы ў новай кнізе Сашы Філіпенкі. Там Масква і шмат маніпуляцыі

Усе навіны →
Усе навіны

Анколаг назвала самыя распаўсюджаныя віды раку3

Гэта Егіпет? Дом са сфінксам пад Віцебскам здзівіў тыкток4

Ізраіль забіў кіраўніка іранскай разведкі і ягонага намесніка2

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная23

Пчолы захапілі веласіпед мінчука, пакуль ён быў у краме ФОТАФАКТ5

Гігін агучыў сваю версію нацыянальнай ідэі61

Беларускі трэш-стрымер Mellstroy арандаваў раскошны дом у Кіпры за $500 тысяч на год5

«Мяне мама заб'е». Моладзь вылецела ў кювет на хуткасці 160 кіламетраў у гадзіну ВІДЭА12

Індыйскі мільярдэр памёр пасля таго, як праглынуў пчалу падчас гульні ў пола2

больш чытаных навін
больш лайканых навін

Замест вайны сланы ў новай кнізе Сашы Філіпенкі. Там Масква і шмат маніпуляцыі3

Замест вайны сланы ў новай кнізе Сашы Філіпенкі. Там Масква і шмат маніпуляцыі

Галоўнае
Усе навіны →

Заўвага:

 

 

 

 

Закрыць Паведаміць