ЗША і Украіна знаходзяцца на фінальнай стадыі перамоў па пагадненні аб карысных выкапнях
Пра магчымасць хуткага падпісання пагаднення паведаміла 24 лютага віцэ-прэм'ерка Украіны Вольга Стэфанішына. Тры дні таму пра гэта заяўляў дарадца Дональда Трампа па нацыянальнай бяспецы Майк Уолтц.
«Украінская і амерыканская каманды знаходзяцца на фінальнай стадыі перамоў па пагадненні аб карысных выкапнях. Перамовы былі вельмі канструктыўнымі, і амаль усе ключавыя дэталі былі ўзгодненыя», — напісала Стэфанішына ў сацсетцы X, дадаўшы, што Трамп і Зяленскі могуць падпісаць яго ў Вашынгтоне «ў самы найбліжэйшы час, каб прадэманстраваць нашу прыхільнасць (двухбаковаму супрацоўніцтву) на дзесяцігоддзі наперад».
Раней прэзідэнт ЗША Дональд Трамп заявіў, што Украіна павінна даць ЗША 500 мільярдаў даляраў у выглядзе крытычна важнай сыравіны ў якасці кампенсацыі за дапамогу, атрыманую Кіевам ад папярэдняй адміністрацыі.
Зяленскі заявіў, што Вашынгтон надаў ягонай краіне ўзбраення на суму 67 мільярдаў даляраў і прамую бюджэтную падтрымку на 31,5 мільярда даляраў. Ён заклікаў ЗША даць Украіне канкрэтныя гарантыі бяспекі ў абмен на доступ да найважнейшых рэсурсаў.
Новая рэдакцыя пагаднення Украіны з ЗША аб карысных выкапнях можа быць яшчэ кабальнейшай за папярэднюю
Зяленскі пакуль не гатовы падпісаць пагадненне з ЗША аб карысных выкапнях
ЗША прапанавалі Кіеву абноўлены праект пагаднення па карысных выкапнях
Дарадца Трампа звязаў яго рэзкія заявы аб Украіне з затрымкай «пагаднення па карысных выкапнях»
«Арабскі шэйх засунуў даляры ў кішэню». Блогер Vadimati Ермашук цяпер працуе ахоўнікам люксавых буцікоў3
Каментары