Свет2929

Новая рэдакцыя пагаднення Украіны з ЗША аб карысных выкапнях можа быць яшчэ кабальнейшай за папярэднюю

Новы варыянт пагаднення з ЗША аб рэдказямельных карысных выкапнях нашмат больш цяжэйшы для Украіны, чым папярэдняя рэдакцыя. У Вашынгтоне хочуць мець пад сваім кантролем 100% выкапняў. Пра гэта пішуць CNN і ўкраінскае выданне NV, спасылаючыся на ўласныя крыніцы.

Прэзідэнт ЗША Дональд Трамп. Фота: Pool via AP

Адзначаецца, што ЗША хочуць атрымаць ад Украіны «больш, чым яна сама выдаткавала на ўласную абарону». Таму такое пагадненне непрымальнае для прэзідэнта Украіны Уладзіміра Зяленскага.

NV піша, што новая версія пагаднення прапануе замацаваць за ЗША 100% уласнасці будучага фонду і размеркаваць унёскі бакоў у фондзе ў суадносінах 2 да 1, дзе ўкраінскі бок уносіць 2/3 будучымі паступленнямі ад здабычы, а амерыканскі бок — траціну, якую ўжо перадала ў выглядзе зброі.

Паводле даных выдання, памер фонду амерыканскі бок прапануе вызначыць на ўзроўні 500 мільярдаў даляраў, а сама здзелка павінна ахопліваць не толькі мінеральныя выкапні, але і газ ды нафту. Пытанне гарантый бяспекі выносіцца за межы такіх дамоўленасцяў.

Паводле крыніцы CNN, украінцы ўсё яшчэ спрабуюць дамагчыся зменаў у пагадненні, паколькі ў цяперашнім выглядзе яно «не прадугледжвае ніякіх абавязацельстваў з боку ЗША, у той час як Украіна павінна аддаць усё».

Напярэдадні выданне Axios, спасылаючыся на ўласныя крыніцы, паведамляла, што Вашынгтон прадставіў «палепшаную» версію пагаднення. Паводле інфармацыі журналістаў, ЗША і Украіна вялі перамовы ўсю ноч на пятніцу 21 лютага.

Каментары29

  • Не галасі!
    23.02.2025
    Дык Трамп не мае апраўданняў за ўвесь зроблены ім гармідар.
    А нешта пара ўжо і прад'явіць, акрамя чарговага перайменавання гары.
    Мексіка адбіла мыты назад і яшчэ ткнула носам Трампа за нелегальны збыт зброі мексіканскай злачыннасці.
    Камуністы Кітая таксама адмянілі назад ягоныя мыты.
    Арабы з парога не сталі слухаць балабола наконт нафты.
    Знутры гэтую зграю ўжо калупаюць пракуроры.
    Планаў па выкананні абяцанняў, як вынікае, няма аніводнага, адна балбатня.
    І таму ўрваць з раненай Украіны іх апошняя надзея.
  • alex
    23.02.2025
    вчера у рыжего дегенерата "долг Украины" был под сто млрд
    а сегодня уже 350млрд.циферки штормят так что п...ц

    этот кретин тупо публично п*здит так что даже луке с путлером вместе взятым не снилось.

    адекватная реакция на этот трэш в америке вроде и есть.но...и нельзя отрицать что значительной части "народца" жрать откровенное рыжее дерьмо очень даже по душе.
  • Робот
    23.02.2025
    Предложение о передаче ископемых содержалось в плане победы Зеленского с которым он ездил в ЕС и США. Никто ему руки не выкручивал и не требовал передать украинские недра. Он сам предложил сделку в обмен на обеспечение безопасности.

Цяпер чытаюць

Кіраўнік Ліды заклікаў сілавікоў не спыняць палітычных рэпрэсій26

Кіраўнік Ліды заклікаў сілавікоў не спыняць палітычных рэпрэсій

Усе навіны →
Усе навіны

У МНС распавялі пра наступствы ўчорашняй непагадзі: пашкоджанні, падтапленні, паваленыя дрэвы1

Пад Мінскам учора бачылі смерч

Час для вялікага наступу Расіі: якімі могуць быць «апошнія 50 дзён вайны»3

Аўтобус Мінск — Вільня з'ехаў у кювет у Валожынскім раёне

Для гараджан — перамога, для вяскоўцаў — трагедыя. Што паказала дзяржаўнае апытанне пра Другую сусветную вайну24

Ахова і дзясяткі людзей у камандзе: за што жыве Офіс Ціханоўскай у Вільні?44

Ужо ў адзінаццаць гадоў? Ва ўсім свеце ўзрост пачатку першых месячных працягвае маладзець7

Шматдзетная амерыканская сям’я ўцякла ў Расію ад «ЛГБТ-прапаганды». Муж ужо трапіў на вайну18

«Такога яшчэ не было». Адбылася масіраваная атака на Крывы Рог, Вінніцу, Харкаў3

больш чытаных навін
больш лайканых навін

Кіраўнік Ліды заклікаў сілавікоў не спыняць палітычных рэпрэсій26

Кіраўнік Ліды заклікаў сілавікоў не спыняць палітычных рэпрэсій

Галоўнае
Усе навіны →

Заўвага:

 

 

 

 

Закрыць Паведаміць