Андрэй Павук абвінавачвае сваю былую дзяўчыну, што тая скрала яго камеру
Блогер звярнуўся ў паліцыю.
У Андрэя Павука былі адносіны з беларускай з Вільні. Па яго словах, час ад часу яна прасіла ў яго тэхніку.
«Я даваў. Потым мы разышліся, папрасіў вярнуць, а яна сказала, што ўсё прадала. Не думаю, што так, бо хто гэта купіць. Але налічыў я ўсяго на суму 1500 еўра»,
— расказвае блогер.
У літоўскай паліцыі Андрэю Павуку сказалі, што калі тэхніку ён аддаў сам, то гэта не лічыцца крадзяжом.
«Атрымліваецца, у любога можна папрасіць у карыстанне і пасля не аддаваць?
Спачатку ўсё было добра, прэтэнзій не было. А пасля… Я так зразумеў, што дзяўчаты хочуць, каб яны былі адзінымі і непаўторнымі. Альбо замуж, альбо «часцей жыць разам». Што рабіць у такой сітуацыі мужчыне, у якога жонка і дзеці і ён з імі жыве?
Сам пра сябе думаю: з аднаго боку, я магу абысціся без гэтага барахла, якое ў мяне ляжыць. З іншага боку, мяне нахабна ашукалі, з гэтым няпроста змірыцца. Так разумею, што, відаць, на яе думку, я яе таксама падмануў і павінен адчуць па аналогіі непрыемныя пачуцці».
«Наша Ніва» звярнулася па каментар да былой дзяўчыны Андрэя Павука, але яна адмовілася размаўляць і папрасіла не ўказваць яе імя ў тэксце.
Цяпер чытаюць
Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей19
Каментары
Не галасі!
Тут дзяржавы знікаюць, трэцяя сусветная грукае ў дзьверы, а дзеўка яму камеру не вярнула...
Адчыні лядоўню, дастань пляшку, лясні чарку, а былой сябровачцы дашлі ружаў з паштальёнам.
Блогерша?