У Беларусі запусцілі тэсціраванне сэрвісу анлайн-заказу лекаў і БАДаў
Платформу apteka.by для замовы лекаў і БАДаў пачалі тэсціраваць у Беларусі. Калі ўсё будзе нармальна, да сярэдзіны года распрацоўшчыкі плануюць вывесці сэрвіс на поўную магутнасць, піша «Смартпресс».
Праз платформу можна будзе выбраць неабходныя прэпараты, параўнаць кошты па розных крамах і заказаць дастаўку ў бліжэйшую партнёрскую аптэку.
Святлана Старавойтава, кіраўніца праекту, расказала, што сэрвіс дапаможа вырашыць праблему пошуку рэдкіх лекаў.
«Сёння нават буйныя аптэчныя сеткі не могуць прапанаваць поўны асартымент прэпаратаў. Людзям даводзіцца шукаць патрэбныя лекі ў розных кропках, а часам ехаць за імі ў іншы горад. Сэрвіс спрашчае гэты працэс: вы выбіраеце прэпарат на сайце, параўноўваеце цэны і заказваеце дастаўку ў бліжэйшую аптэку», — патлумачыла яна.
Зараз да платформы падключаны 300 аптэк па ўсёй краіне.
Тэсціраванне apteka.by будзе доўжыцца тры месяцы, пасля да сайту дададуць больш аптэк і прэпаратаў. У будучыні магчыма больш частая дастаўка лекаў на дом і стварэнне інфармацыйнага партала з актуальнай інфармацыяй ад вытворцаў.
Зараз у Беларусі папулярны таксама сайт tabletka.by. Праз яго можна знаходзіць, у якіх аптэках ёсць у наяўнасці неабходныя лекі.
-
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі
-
З 1 верасня беларусам, што едуць у Латвію, трэба будзе зарэгістравацца на спецыяльным партале і запоўніць анкету
-
Спецслужбы пад выглядам «друку сімволікі і сцягоў» спрабуюць падбіць беларусаў замежжа перадаць свае асабістыя звесткі
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі2
Каментары