Пару, якая пакінула сваіх дзяцей без ежы на чатыры дні, пазбавілі бацькоўскіх правоў
Яны выхоўвалі шасцярых дзяцей, піша «Минск Новости». Двое з іх былі ад першага шлюбу жанчыны.
Дзіцячы садок, куды павінны былі хадзіць малодшыя дзеці, паведаміў ва ўпраўленне па адукацыі Партызанскага раёна Мінска, што іх няма на занятках.
Высветлілася, што бацькі дзяцей не працавалі каля трох месяцаў, дома ў іх не было прадуктаў. У сакавіку 2024 года непоўнагадовых дзяцей аднеслі да тых, што знаходзяцца ў небяспечным сацыяльным становішчы.
З бацькамі пачалі працаваць сацыяльныя работнікі, але яны не адказвалі на званкі і не дазвалялі зайсці ў дом. Патрапіць у кватэру ў службаў атрымалася толькі калі дзверы ім адкрылі дзеці.
З сям'ёй пачалі праводзіць прафілактычную працу. За гэты час бацькі ўладкаваліся на працу, пачалі прыбірацца дома і купляць прадукты.
Але ў ліпені яны зноў сышлі ў запой: дзеці на чатыры дні засталіся без ежы, у кватэры былі антысанітарныя ўмовы.
Біялагічны бацька забраў да сябе двух старэйшых дзяцей — па 14 і 15 год. Астатніх — васьмігадовую дзяўчынку, сямігадовага хлопчыка і чатырохгадовых блізнятак — адправілі ў прытулак.
Са снежня 2024 года бацькі дзяцей не наведвалі. Суд пазбавіў іх бацькоўскіх правоў.
Каментары
[Зрэдагавана]