«Гэта не маё, гэта сябра». Беларус здымае рэакцыю ахоўнікаў метро на фалаімітатары ў заплечніку — відэа збіраюць мільёны праглядаў
Беларус пад нікам @lukash_ збірае мільёны праглядаў у тыктоку, здымаючы рэакцыі ахоўнікаў на фалаімітатары ў яго заплечніку пры надглядзе ў мінскім метро. Апошні ролік ужо паглядзела больш за чатыры мільёны чалавек.
«Калі стала сумна ў вялікім горадзе» — тлумачыць асноўную матывацыю здымаць такія відэа блогер.
Watch on TikTok
Перад ахоўнікамі, якія пры сканаванні змесціва заплечніка бачаць фалаімітатар хлопец апраўдваецца, што гэта, маўляў, не яго цацка, а сябра.
Watch on TikTok
Работнікі метро збольшага рэагуюць спакойна. Адзін з герояў відэа толькі наблізіў выяўлены прадмет — хутчэй за ўсё, каб дакладна ўпэўніцца, што хлопец не правозіць нічога забароненага.
«Нічога забароненага не бачу», — адрапартаваў ахоўнік, з ухмылкай адпускаючы хлопца.
«Добрага вечара», — ветліва жадае яшчэ адзін супрацоўнік метрапалітэна.
У каментарах абмяркоўваюць, што за час сваёй працы ахоўнікі пабачылі столькі прыкалістаў і прыколаў у торбах, што іх, хутчэй за ўсё, даўно нічым не здзівіць.
Гэта не першыя відэаэксперыменты блогера на тэму сэксуальных цацак. Так, на яго другім акаўнце раней выходзілі відэа з рэакцыямі супрацоўніц пункта выдачы Ozon на фалаімітатар у заказе, а таксама эмоцыі ад фотаздымкаў, на якіх цалуюцца мужчыны — іх тыктокер паказваў прадаўцам у крамах, якіх папярэдне прасіў дапамагчы з выбарам худзі ці джынсаў, па прыкладзе захаваных на тэлефоне мадэляў.
Цяпер чытаюць
Без песняў Меладзэ і ў форме: як пройдуць выпускныя ў школах і дзіцячых садках1
Каментары