«Пуцін не жадае спынення агню, пакуль украінскія войскі застаюцца пад Курскам», — заявіў прэзідэнт Украіны.
Прэзідэнт Украіны паразмаўляў па Zoom з журналістамі і, у прыватнасці, адказаў на пытанне, што Дональд Трамп меў на ўвазе, калі казаў пра перадачу ўкраінскай энергетыкі ва «ўладанне» ЗША. Гаворка пра гэта ўзгадвалася ў некалькіх заявах з Вашынгтона пасля тэлефоннай размовы прэзідэнтаў дзвюх краін.
«Мы гаварылі толькі пра адну электрастанцыю, якая знаходзіцца пад расійскай акупацыяй», — сказаў Зяленскі. З адказу вынікала, што мелася на ўвазе Запарожская АЭС.
Таксама Зяленскі заявіў, што расійскі прэзідэнт Уладзімір Пуцін «не хоча спынення агню, пакуль нашы войскі знаходзяцца на тэрыторыі Курскай вобласці».
Адказваючы на пытанне пра анансаваную сустрэчу прадстаўнікоў Украіны і ЗША ў Саудаўскай Аравіі для абмеркавання дэталяў частковага спынення агню, Зяленскі сказаў, што яна можа адбыцца «ў пятніцу, суботу або нядзелю».
Падчас прэс-канферэнцыі Зяленскаму, на здзіўленне журналістаў, патэлефанаваў прэзідэнт Францыі Эмануэль Макрон. Зяленскі сказаў, што яны размаўляюць кожны дзень. «Мы часта доўга гаворым. Раз на дзень. Пасля нашай размовы я яму ператэлефаную», — сказаў ён.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім17
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3636
Каментары
І спыніўся б агонь без дзіцячага "жадаю - жадаю".