Зяленскі пра рэакцыю ЗША на ўдар па Крывым Рогу: Такі моцны народ — і такая слабая рэакцыя
У сваім тэлеграм-канале прэзідэнт Украіны пракаментаваў расійскі ўдар па Крывым Рогу, у выніку якога загінулі 19 чалавек, з іх палова — дзеці. Удар прыйшоўся побач з дзіцячай пляцоўкай, дзе тыя гуляліся. Зяленскі назваў імёны ўсіх загінулых дзяцей.
«Трохгадовы Цімафей, на жаль, сёння памёр у бальніцы. Сямігадовы Радзіслаў. Арына, якой назаўжды таксама сем. Дзевяцігадовы Герман. Пятнаццацігадовы Даніла. Пятнаццацігадовы Мікіта. Пятнаццацігадовая Аліна. Канстанцін, якому назаўжды 16. Мікіта — 17 гадоў. Гэта дзеці, якіх забіла расійская балістычная ракета падчас ўдару па Крывым Рогу. З моманту запуску з раёна Таганрога на тэрыторыі ворага прайшло ўсяго некалькі хвілін.
Таксама загінулі, на жаль, дзевяць дарослых. Мае спачуванні ўсім родным і блізкім.
Ракета трапіла проста на вуліцу — вакол звычайныя дамы, дзіцячая пляцоўка, крамы, рэстаран. Яшчэ 62 чалавекі пацярпелі ў выніку ўдару, сярод іх 12 дзяцей. Ёсць вельмі цяжка параненыя, цяпер яны ў бальніцах. Медыкі робяць усё магчымае, каб выратаваць жыцці.
(…) Вельмі важна, каб гэты расійскі ўдар па мірных жыхарах, па горадзе, як і кожны такі ўдар, не заставаўся без рэакцыі свету. Крывому Рогу і ўсёй Украіне ўжо выказалі падтрымку многія. Я ўдзячны за прынцыповую пазіцыю міністрам замежных спраў Чэхіі, Фінляндыі, Літвы, Латвіі, Эстоніі і Аўстрыі. Дзякуй за пазіцыю і падтрымку Высокай прадстаўніцы Еўрасаюза па замежных справах і палітыцы бяспекі. Мы цэнім, што выразна выказаліся амбасады Японіі, Вялікай Брытаніі, Швейцарыі і Германіі.
На жаль, непрыемна здзіўляе рэакцыя амбасады ЗША: такая моцная краіна, такі моцны народ — і такая слабая рэакцыя. Яны нават баяцца сказаць слова «расійская», калі гавораць пра ракету, што забіла дзяцей.
Так, вайна мусіць скончыцца. Але каб яе завяршыць, трэба не баяцца называць рэчы сваімі імёнамі. Трэба не баяцца ціснуць на таго адзінага, хто працягвае гэтую вайну і ігнаруе ўсе прапановы свету аб яе заканчэнні. Трэба ціснуць на Расію, якая выбірае забойствы дзяцей замест спынення агню. Трэба ўводзіць дадатковыя санкцыі супраць тых, хто не можа існаваць без удараў балістычнымі ракетамі па суседнім народзе. Трэба рабіць усё магчымае дзеля выратавання жыццяў».
«Калаўра мы не пакрыўдзілі»: стала вядома пра новае месца працы былога старшыні Нацбанка3
Каментары
а яна сапраўды была расейская?
Да и не с руки, называя убийцу украинских детей другом, замечать убитых украинских детей. Трампу проще делть вид, что этих убийств не происходит.
Да и в предвкушении российских гешефтов и личных ништяков от путина, надо молчать, чтобы не вспугнуть гешефты и личные ништяки.