У нявесткі Лукашэнкі новы праект. Прадзюсар — Ганна Лукашэнка, аўтар сцэнарыя — Ганна Сялук
Нявестка Лукашэнкі Ганна Лукашэнка ўзялася за новы праект — канцэрты-рэквіемы «Кожны трэці».
Канцэрты будуць ісці ў Мінску ў Палацы Рэспублікі з 6 па 12 красавіка. Нявестка Лукашэнкі — іх генеральны прадзюсар, піша «СБ. Беларусь сегодня».
Праект ствараўся летась у гонар 80-годдзя вызвалення Беларусі ад нямецка-фашысцкіх захопнікаў. Спачатку яго рыхтавалі для паказу ў Музеі перамогі ў Маскве. Але пасля Адміністрацыя Лукашэнкі рашыла, што трэба гэта паказваць і на беларускай сцэне. Прэм'ера была летась 22 чэрвеня. Стварылі таксама тэлеверсію, якую паказалі на БТ.
І пасля яе нібыта пачалі пісаць людзі і прасіць паказаць канцэрт яшчэ. Лукашэнка даручыў нявестцы маштабаваць праект на рэгіёне. Але, як расказвае сама нявестка, тады было не да таго, яны калясілі з «Марафонам адзінства» (дзе яна таксама была за галоўную). У выніку канцэрты-рэквіемы рашылі паказаць цяпер і толькі ў Мінску.
Па словах Ганны Лукашэнкі, яе таксама ўзрушыў дэмантаж помнікаў савецкім воінам у Польшчы і краінах Балтыі.
«Мы бачым, што спрабуюць перапісаць гісторыю, зрабіць так, каб людзі яе не памяталі. І знос помнікаў — гэта адна з частак гэтага плана».
Ганна Лукашэнка на канцэрце не толькі за прадюсарку. Яна яшчэ і адна з аўтараў сцэнарыя (пад псеўданімам Ганна Сялук), і песні, напісаныя ёй, гучаць.
Цяпер чытаюць
Лосік расказаў, як Бабарыку катавалі ў наваполацкай калоніі17
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары