У Гомелі не дазволілі флэшмоб прыхільнікаў Лукашэнкі, а адправілі на палігон
Гомельская група прыхільнікаў Аляксандра Лукашэнкі, якая збіралася правесці ў людным месцы на вуліцы Мазурава «патрыятычны аўтафлэшмоб», але была вымушана яго адмяніць «з-за адсутнасці фінансавання», атрымала новае месца для арганізацыі акцыі, гэта ўскраіна Гомеля.
Мерапрыемства пройдзе 23 красавіка на закрытай тэрыторыі вучэбна-трэніровачнага палігона МНС на вуліцы Аб’езнай, даведаўся Флагшток у адным з чатаў.
Удзельнікі хочуць выстройваць свае аўтамабілі ў фігуру ў выглядзе медаля «Герой Савецкага Саюза», зняць відэа з дрона і прысвяціць гэтую акцыю «80-годдзю з Дня Перамогі савецкага народа ў Вялікай Айчыннай вайне».
Раней Флагшток паведамляў, што праўладны флэшмоб планавалі правесці на пляцоўцы каля Лядовага палаца, але міліцыя запатрабавала буйную суму за суправаджэнне акцыі, таму ініцыятарам давялося адмовіцца ад сваёй ідэі.
60‑гадовая п’яная беларуска ператварыла палёт з Парыжа ў Вільню ў кашмар3
Каментары