У Нямеччыне ў межах ініцыятывы «33 кнігі для іншай Беларусі», якую праводзяць Ірына Герасімовіч і Сільвія Засэ, выйшла супольная публікацыя выдавецтваў «Логвінаў» і «Suhrkamp» — кніга Святланы Алексіевіч «У вайны не жаночы твар» на беларускай мове, піша Bellit.info.
«Дакументальны тэкст Святланы Алексіевіч, напісаны ў 1983 годзе і апублікаваны на расейскай мове ў часы Савецкага Саюза ў 1985 годзе, апавядае пра жанчын, якія ваявалі ў Чырвонай Арміі падчас Другой сусветнай вайны, але так і не сталі часткай калектыўнай памяці. Яны дзеляцца з аўтаркай аповедамі пра вайну, пра смерць і забойствы, пра бруд і паскуддзе, пра тэрор і ваенныя злачынствы, пра раны, боль і голад. Ды расказваюць пра тое, як пра іх забыліся. Як і ў іншых сваіх кнігах, Святлана Алексіевіч дае прастору галасам тым, хто застаецца незаўважаным», — гаворыцца ў апісанні кнігі на сайце ініцыятывы.
Беларуская версія кнігі, якая выйшла ў выдавецтве «Логвінаў» у 2018 годзе, карысталася вялікай папулярнасцю, з аднаго боку, дзякуючы бліскучаму перакладу філосафа і пісьменніка Валянціна Акудовіча, а з другога — як важны знак пераадолення падзелу паміж беларускамоўнай і расійскамоўнай літаратурнымі сцэнамі Беларусі. І вось цяпер выходзіць перавыданне ў межах кампаніі «33 кнігі для іншай Беларусі» як вынік супрацоўніцтва выдавецтваў «Логвінаў» і «Suhrkamp». Нямецкамоўнае выданне кнігі выходзіла ў «Suhrkamp» у 2015 годзе.
Купіць кнігу «У вайны не жаночы твар» Святланы Алексіевіч можна праз сайт нямецкага выдавецтва www.suhrkamp.de.
-
Памёр украінскі мастак бурацкага паходжання, што стварыў культавыя мультфільмы «Востраў скарбаў» і «Прыгоды капітана Урунгеля»
-
Фанаты Тэйлар Свіфт гадаюць, што значыць кніга пра Шагала, Малевіча і Лісіцкага, заўважаная ў анонсе да яе новага альбома
-
«Вольныя Купалаўцы» перапрацавалі базу даносаў у п’есу. Што яшчэ пакажуць у новым сезоне
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь9
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары