На паліцах крамы заўважаны яшчэ адзін дэмакратычны па цане прадукт: рубля хопіць амаль на тры штукі, а яшчэ ім можна перакусіць, піша Onliner.by.
У 2022 годзе распавядалася адразу пра некалькі танных тавараў — кніжную закладку за 10 капеек, пакет свіновых шкур па 23 капейкі за кілаграм, жаночыя туфлі з крамы канфіскату за 96 капеек і нават супавыя косткі і пластыкавы нож за 1 капейку.
Цяпер на прылаўку заўважылі вафельны батончык з начынкай з какава вытворчасці «Спартака» — ва ўпакоўцы 21 грам, каштуе 36 капеек у фірмовай краме, у іншых гандлёвых сетках пакуль заўважаны не быў.
Гэта не мінімальная цана — пушка запалак яшчэ танней, але для гэтай катэгорыі прадуктаў цана за штуку цягне на рэкорд.
Напрыклад, неглазіраваны вафельны батончык «Вітоша» можна знайсці за 0,59—0,63 рубля (там 27 грам), батончык Wattson з цэдрай апельсіна ад «Чырвонага харчавіка» сустракаецца за 0,81 капейкі (40 грам), «Віцьба» ў шакаладзе — ужо 0,93 капейкі, батончык «Зарадзіся» з арэхамі ў шакаладзе ад «Камунаркі» прадаюць па 1,69 рубля.
На ўпакоўцы пазначаны такі склад: пудра цукровая, мука пшанічная, масла какосавае дэзадарызаванае, какава-парашок, малако сухое цэльнае, вяршкі сухія, эмульгатар (Е322), прадукты яечныя, соль ёдаваная, разрыхляльнік (гідракарбанат натрыю), араматызатар «Ваніль». На 100 грамаў прадукту тут 5,5 грама бялкоў, 28 грамаў тлушчаў, 63 грамы вугляводаў і 530 ккал.
Інжынера-канструктара з упраўлення «Пеленга», якое робіць тэхніку для расійскага войска, асудзілі па палітычных артыкулах3
Каментары
Российские производители аналогичной продукции по ГОСТ на сливочном и подсолнечном масле почему-то не испытывают проблем с реализацией своей продукции, фасовка которой уверенно превышает один килограмм. Разметают!