Адкрыццё самага доўгага падвеснога моста Беларусі зноў перанеслі — па незвычайнай прычыне
Рэканструкцыя моста зацягнулася амаль на год, але яе ўжо амаль скончылі.
Адкрыццё самага доўгага падвеснага моста ў Беларусі пасля рэканструкцыі зноў перанеслі.
Інстаграмны мост праз Нёман у Мастах павінны былі ўрачыста адкрыць 28 красавіка. Аднак, як паведамляе гродзенскае ТБ, мясцовыя жыхары самі папрасілі перанесці адкрыццё.
Рэч у тым, што 29 красавіка ў Беларусі адзначаюць Радаўніцу — у гэты дзень многія наведваюць могілкі. 28 красавіка па традыцыі таксама выхадны. Пры гэтым прапусціць адкрыццё моста жыхары горада таксама не хочуць. У выніку адбылося рашэнне перанесці адкрыццё моста на пятніцу, 2 мая.
Капітальны рамонт самага доўгага ў Беларусі — 193 метры — падвеснага моста пачаўся летам 2024 года. Канструкцыю амаль цалкам разабралі і замянілі яе асноўныя элементы. Планавалася, што рэканструкцыя зойме чатыры месяцы, але ў выніку яна расцягнулася амаль на год.
Аўтары праекта абяцалі зрабіць адрэзак моста са шкляным дном. Аднак атрымалася ўсё не зусім так, як планавалася.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый4
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1212
Каментары