Айцішніца прыехала з Польшчы ў Беларусь і жахнулася цэнам у «Міле»
Праз тры гады ў Польшчы айцішніца-эмігрантка прыехала ў Беларусь і зайшла ў «Мілу». Цэны непрыемна ўразілі.
Карыстальніца тыктоку agnusha.it запісала ролік пра тое, як пасля доўгага перапынку наведала ў Беларусі краму «Міла», дзе прадаюць касметыку і побытавую хімію.
«Я не жыла ў Беларусі тры гады. Вярнулася, зайшла ў «Мілу» і проста афігела ад цэнаў. Дзяўчаты, як вы жывяце? Еўрапейскі шампунь, які я купляю ў Польшчы прыкладна за 10—15 рублёў, тут каштуе ўсе 25—30 [рублёў].
Замест звыклага Dove — «Дав» рускімі літарамі за нейкі жорсткі аверпрайс. Еўрапейскіх шампуняў засталося літаральна 1-3 — і ўсё, аблічыўся», — уразілася дзяўчына.
Яна згадала цану на шампуні аднаго з брэндаў — маўляў, за такія грошы яна б набыла ў Польшчы шампунь амерыканскага брэнду, не тое што еўрапейскага.
Ролік дзяўчыны набраў за суткі больш за 57 тысяч праглядаў і амаль 900 каментароў. Большасць з іх — агрэсіўныя па змесце:
«Незразумела, а чаму вярнулася? Няўжо паглядзець на цэны на шампуні?»
«А якасць у Польшчы? Жудаснае ўсё — ад ежы да хіміі і касметыкі, паслуг і медыцыны».
На запыты «чаму вярнулася» дзяўчына адказала, што прыехала ў госці на тыдзень. Касметыку яна брала з сабой, але ж спатрэбілася і зайсці ў «Мілу».
Найбольш папулярнай у каментарах была парада перайсці на беларускую касметыку — маўляў, і танней будзе, і якасць добрая, таму што «лысых няма». Іншы варыянт — гаспадарчае мыла:
«Я «Беліту» купляю. А колькі ў Польшчы хуткую выклікаць каштуе? А пайсці да доктара? А камуналка? А калі аборт трэба будзе зрабіць? А нельга ж».
«Мае дзеці жывуць у Францыі і купляюць беларускую касметыку, калі прыязджаюць дахаты».
Некаторыя каментатары, аднак, прызналі — дзяўчына ўсё правільна заўважае.
Айцішніца тым часам запісала дадатковыя ролікі. Яна патлумачыла, што ў Польшчы трапіць да доктара можна бясплатна, калі рэгулярна сплачваеш неабходныя плацяжы і падаткі. Што да камуналкі, яна сапраўды каштуе болей, чым у Беларусі, але і заробкі ў Польшчы вышэйшыя.
Выглядае, што такой рэакцыі на свой ролік дзяўчына не чакала:
«Вы нават не ўяўляеце, колькі разоў за ўчора мне прапанавалі вярнуцца ў сваю загніваючую Еўропу. Спрабавала данесці ў сваім відэа толькі тое, што ў Беларусі цэны на еўрапейскае сталі ў разы вышэйшыя, чым у той жа самай Польшчы. Сітуацыя змянілася за апошнія некалькі гадоў.
А беларускія брэнды, якія аб’ектыўна ў разы саступаюць у якасці, ставяць свае цэны на ўзроўні еўрапейскіх. Разумею, шматлікія людзі ў каментарах пішуць, што яны манітораць зніжкі ў «Залатым яблыку», на Wildberries, каб толькі набыць танней. Але для мяне набыць добрую, якасную касметыку для догляду — гэта база».
«Наша Нiва» — бастыён беларушчыны
ПАДТРЫМАЦЬ
Спявачку Мэрыем Герасіменка на працягу двух гадоў збіваў муж43
Каментары
Ну, делай. Хоть каждый квартал.