«За такія грошы хай самі носяць». Беларусы абураюцца цэнамі на вышыванкі ў барысаўскім універмагу
«Вы проста абавязаныя гэта бачыць», — расказаў блогер з Барысава сваім падпісчыкам. Гаворка пра вышыванкі, якія прадаюцца ў барысаўскім універмагу, піша Ex-press.live.
Цэны на вышыванкі — ад 170 рублёў, але дзейнічае зніжка ў 20%. «За 140 можна купіць», — гаворыць блогер.
У каментарах да ягонага паста захопленых водгукаў няма. Наадварот, беларусы абураныя цэнамі:
«Не, ну вы рэальна лічыце, што мне, каб хадзіць на працу, патрэбна вышыванка за такія грошы?» — піша жанчына.
«За 170 р. якасная майка, шорты і тапкі на лета», — лічыць яшчэ адзін беларус.
«За такія грошы хай самі носяць», — каментуе яшчэ адзін.
«Ха-ха-ха. Сур'ёзна? Пашыць у атэлье менш за сто рублёў», — каментуе яшчэ адзін карыстальнік.
Раней дзяўчына-блогерка з Барысава, вядомая сваімі праўладнымі публікацыямі, прызналася, што не можа дазволіць сабе насіць адзенне і сумкі беларускай вытворчасці, бо атрымлівае невялікі заробак.
Ці хопіць сёлета €2000, каб адпачыць на моры? Што адбываецца з цэнамі на летні адпачынак
«Інтэр'еры з Pinterest» і «цэны як у Венецыі». У Гродне на месцы знесенага гістарычнага будынка адкрылі даражэнны буцік-гатэль
У Мінску адкрываецца вялікая крама мэблі з таварамі IKEA
«Пабачыў курс і ціха заплакаў». Што беларусы робяць з танным далярам?
Каментары
І, безумоўна, гэта не адзенне, каб ездзіць на працу кожны дзень. Гэта для розных святочных нагод.