Падчас рэпетыцыі парада ў Мінску адзін з вайскоўцаў згубіў чаравік ВІДЭА
У тыктоку завірусіўся ролік з адной з генеральных рэпетыцый парада на 9 мая ў Мінску. На камеру аднаго з гледачоў трапіла неспадзяванка, якая на падобных мерапрыемствах адбываецца рэгулярна, але не часта трапляе ў аб'ектыў, піша Telegraf.news.
На адным з відэа, які быў апублікаваны ў тыктоку і набраў ужо больш за 830 тысяч праглядаў, паказана, як у аднаго з удзельнікаў вайсковага параду, якія маршыруюць роўным строем, у нейкі момант зляцеў з нагі чаравік.
Гледачы заўважылі гэта толькі пастфактум, калі чаравік застаўся самотна стаяць пасярод праезнай часткі, калі чарговая частка пешай калоны бадзёра прамаршыравала па праспекце.
Хтосьці з гледачоў успомніў пра падобныя сітуацыі ў мінулым. Яны насамрэч адбываюцца не так ужо і рэдка.
«Усякае бывае… У нас 2 гады таму на парадзе была калона вайскоўцаў-дзяўчат, і таксама ў кагосьці туфля ўпала. І што? Прайшлі як нічога ніякага…» — напісала адна з глядачак.
Між тым карыстальніца тыктоку, якая падзялілася пацешнымі кадрамі, паказала далейшы лёс згубленага абутку. На іншым роліку відаць, як адзін з вайскоўцаў, злавіўшы момант паміж двума блокамі маршыруючых вайскоўцаў, падабраў чаравік і далучыўся да сваіх саслужыўцаў.
Меркаваная дачка Лукашэнкі Крысціна Моцная апублікавала сваё сэлфі на трыбуне падчас парада
«Карацей, псеўдаветэраны». «Войска НКВД». Тыкток паставіў дыягназ парадам
«Жэня ў нас ногі страціў». На парад у Мінск прыехалі вагнераўцы-беларусы — расказваем, хто яны
На парадзе ў Мінску паказалі зенітны комплекс на шасі МАЗ, які выкарыстоўвае Расія ва Украіне
У Мінску прайшоў вайсковы парад у гонар 80-годдзя перамогі над Германіяй
Каментары