Padčas repietycyi parada ŭ Minsku adzin z vajskoŭcaŭ zhubiŭ čaravik VIDEA
U tyktoku zavirusiŭsia rolik z adnoj z hienieralnych repietycyj parada na 9 maja ŭ Minsku. Na kamieru adnaho z hledačoŭ trapiła niespadziavanka, jakaja na padobnych mierapryjemstvach adbyvajecca rehularna, ale nie časta traplaje ŭ abjektyŭ, piša Telegraf.news.
Na adnym ź videa, jaki byŭ apublikavany ŭ tyktoku i nabraŭ užo bolš za 830 tysiač prahladaŭ, pakazana, jak u adnaho z udzielnikaŭ vajskovaha paradu, jakija maršyrujuć roŭnym strojem, u niejki momant źlacieŭ z nahi čaravik.
Hledačy zaŭvažyli heta tolki pastfaktum, kali čaravik zastaŭsia samotna stajać pasiarod prajeznaj častki, kali čarhovaja častka piešaj kałony badziora pramaršyravała pa praśpiekcie.
Chtości z hledačoŭ uspomniŭ pra padobnyja situacyi ŭ minułym. Jany nasamreč adbyvajucca nie tak užo i redka.
«Usiakaje byvaje… U nas 2 hady tamu na paradzie była kałona vajskoŭcaŭ-dziaŭčat, i taksama ŭ kahości tufla ŭpała. I što? Prajšli jak ničoha nijakaha…» — napisała adna z hladačak.
Miž tym karystalnica tyktoku, jakaja padzialiłasia paciešnymi kadrami, pakazała dalejšy los zhublenaha abutku. Na inšym roliku vidać, jak adzin z vajskoŭcaŭ, złaviŭšy momant pamiž dvuma błokami maršyrujučych vajskoŭcaŭ, padabraŭ čaravik i dałučyŭsia da svaich sasłužyŭcaŭ.
Mierkavanaja dačka Łukašenki Kryścina Mocnaja apublikavała svajo sełfi na trybunie padčas parada
«Karaciej, psieŭdavieterany». «Vojska NKVD». Tyktok pastaviŭ dyjahnaz paradam
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany
Na paradzie ŭ Minsku pakazali zienitny kompleks na šasi MAZ, jaki vykarystoŭvaje Rasija va Ukrainie
U Minsku prajšoŭ vajskovy parad u honar 80-hodździa pieramohi nad Hiermanijaj
Kamientary