«Пуцін відавочна баіцца», — кажа Ян Ліпаўскі.
Няўдзел прэзідэнта Расіі Уладзіміра Пуціна ў прамых перамовах з украінскім бокам у Стамбуле, куды ён накіраваў свайго дарадцу Уладзіміра Мядзінскага, сведчыць пра баязлівасць кіраўніка Крамля. Пра гэта ў чацвер перад нефармальнай сустрэчай міністраў замежных спраў краін НАТА ў Антальі заявіў міністр замежных спраў Чэхіі Ян Ліпаўскі, паведамляе Чэшскае радыё.
Чаканыя на сёння прамыя перамовы паміж Расіяй і Украінай сталі адной з галоўных тэм пасяджэння кіраўнікоў МЗС краін НАТА. У той час як прэзідэнт Украіны Уладзімір Зяленскі прапаноўваў асабістую сустрэчу з Пуціным, Масква доўгі час не выказвалася наконт фармату перамоваў. У сераду Крэмль абвясціў, што расійскую дэлегацыю ўзначаліць Мядзінскі.
«Пытанне ў тым, ці можна гэта наогул назваць мірнымі перамовамі. Пуцін відавочна баіцца. Ён паслаў адну з ідэалагічных фігур, і гэта ўжо само па сабе сігнал таго, як ён да гэтага ставіцца — г.зн. не надта станоўча», — сказаў Ліпаўскі пра стамбульскія перамовы.
Так, напрыклад, міністр замежных спраў Эстоніі Маргус Цахкна сёння параўнаў накіраванне расійскай дэлегацыі такога нізкага ўзроўню з аплявухай.
«Гэта хутчэй праява баязлівасці Пуціна», — дадаў Ліпаўскі.
Міністры замежных спраў, прыбываючы на пасяджэнне, выказалі агульную думку пра тое, што дзеянні Расіі не сведчаць аб жаданні Масквы пайсці на кампраміс. Яны таксама гаварылі пра тое, што прыйшоў час узмацніць ціск на Расію. «Еўрапейскія лідары адназначна заявілі, што могуць паследаваць новыя санкцыі», — адзначыў Ліпаўскі.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1818
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс18
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары